Аляксандр Лукашэнка разлічвае на паступовае паляпшэнне адносін паміж Беларуссю і Злучанымі Штатамі Амерыкі. Пра гэта ён заявіў на сустрэчы з памочнікам дзяржаўнага сакратара ЗША па еўрапейскіх і еўразійскіх справах Ааронам Уэсам Мітчэлам.
«Ужо сам факт вашага знаходжання ў сталіцы Беларусі гаворыць пра многае. Асабіста я вельмі разлічваю, што гэта будзе сапраўды гістарычны візіт з якога пачнецца, хай паступовы і павольны, выхад з таго стану, у якім знаходзяцца беларуска-амерыканскія адносіны», — заявіў беларускі кіраўнік.
Аляксандр Лукашэнка адзначыў, што ў апошні час адбыліся сур'ёзныя зрухі ў двухбаковых адносінах. «Але я іх не назваў бы кардынальнымі зменамі, якіх патрабуе час у гэтым рэгіёне», — сказаў кіраўнік дзяржавы.
Ён падкрэсліў прыхільнасць суверэнітэту і незалежнасці Беларусі і адзначыў гатоўнасць краіны развіваць адносіны з партнёрамі ў розных рэгіёнах свету. «Мы і праводзім такую палітыку: суверэнная і незалежная Беларусь, нягледзячы на тое, будзь гэта Еўрасаюз, Кітайская Народная Рэспубліка, Злучаныя Штаты ці Расія (адносіны з гэтымі краінамі). Мы хочам быць суверэннымі і незалежнымі, і ў гэтым дачыненні мы роўна набліжаны да ўсіх цэнтраў сілы нашай планеты.
Нават у самыя складаныя часы нашых адносін я не пераставаў казаць пра тое, што мы вельмі зацікаўлены ў добрых адносінах з вашай краінай», — заявіў Аляксандр Лукашэнка.
«Мы хочам быць не проста адкрытымі для ўсяго свету, праводзіць адкрытую палітыку, — мы хочам быць прадказальнымі. Мы ніколі не змянялі гэтым прынцыпам. Таму да нас нармальна ставяцца многія краіны свету. Так, напэўна, і ЗША ацанілі нашу шчырасць у гэтай палітыцы, — дадаў кіраўнік дзяржавы.
— Калі мы з вамі прасунемся ў нашых адносінах, я вам абяцаю, што беларусы ў вас будуць самымі надзейнымі, сумленнымі і шчырымі партнёрамі. Прынамсі, калі мы дамовімся, і ў Беларусі нешта вам паабяцаем, нават на шкоду сабе мы гэта выканаем».
Ён таксама адзначыў вопыт Аарона Уэса Мітчэла і яго веданне праблем рэгіёну. «Мы ведаем ваша стаўленне, вашай краіны да гэтых праблемаў. Думаю, што вы надасце больш увагі вырашэнню гэтых праблем як вядучая краіна свету. Калі мы будзем запатрабаваныя ў вырашэнні самых складаных праблем у Еўропе, асабліва ва Усходняй Еўропе, мы гатовыя да гэтага», — заявіў беларускі кіраўнік.
У сваю чаргу памочнік дзяржсакратара ЗША падзякаваў за гасціннасць і падкрэсліў значэнне, якое ЗША надаюць пытанню незалежнасці і тэрытарыяльнай цэласнасці Беларусі.
«Мы выдатна разумеем глыбокія і гістарычна блізкія ўзаемаадносіны вашай краіны і Расійскай Федэрацыі. І мы выдатна разумеем той поспех, якога вы дабіліся ў справе забеспячэння стабільнасці, тэрытарыяльнай цэласнасці. У першую чаргу палітычнай стабільнасці ў Беларусі», — сказаў ён.
Аарон Уэс Мітчэл таксама запэўніў, што ЗША бачаць вялікі патэнцыял у развіцці як дыпламатычных, так і эканамічных сувязяў з Беларуссю.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары