У кватэры бабулі, якую забралі ў бальніцу з інсультам, жылі 22 чорныя каты (і два не чорныя) ФОТА
Пра незвычайны выпадак паведамляюць валанцёры гомельскага руху «Падары ім шанец».
«Гэта аднапакаёвая маласямейка. Калі адкрылі дзверы, нас сустрэлі, як хмара, адны чорныя каты. Усяго налічылі дваццаць чатыры штукі: два сіямскай афарбоўкі і 22 чорныя, адрозніваюцца толькі колерам вачэй.
Ёсць кацяня з праблемамі хрыбта, поўзае, як крабік. У бабкі няма электрычнасці, адключылі за нясплату. На вуліцы пахмурна, таму сфатаграфаваць добра не атрымліваецца, але разгледзець гэтую хмару можна. Вялікая просьба да ўсіх неабыякавых і тых, хто спачувае няшчасным жывёлам, аказаць дапамогу ў харчаванні і стэрылізацыі. Пракарміць такую чараду проста не рэальна, як бабка ім давала рады, незразумела. Гэтак жа вельмі патрэбны напаўняльнік», — пішуць валанцёры.
Звязацца з валанцёрамі, каб дапамагчы жывёлам, можна па тэлефонах: +375 29 306 5991 (Святлана), +375 29 602 4367 (Інна). Як дапамагчы бабулі, не паведамляецца.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары