Лунінецкі раённы аддзел Следчага камітэта праводзіць праверку па факце смерці 52-гадовага жыхара вёскі Запроссе, паведаміла БелТА афіцыйны прадстаўнік УСК па Брэсцкай вобласці Марына Дранькова.
Цела мужчыны з агнястрэльным раненнем яго блізкія знайшлі прыкладна ў восем гадзін вечара 20 студзеня ў доме па месцы жыхарства. Для высвятлення ўсіх абставін здарэння праводзіцца комплекс праверачных мерапрыемстваў, апытаныя родныя і суседзі загінулага, прызначаная судова-медыцынская экспертыза.
«Пры аглядзе месца здарэння праваахоўнікі знайшлі незарэгістраваную паляўнічую стрэльбу, якая, згодна з атрыманымі данымі, знаходзілася ў карыстанні вяскоўца. Напярэдадні здарэння мужчына выказваў суіцыдальныя намеры», — дадала афіцыйны прадстаўнік УСК.
Вядома, што непрацуючы вясковец пакутаваў на хранічную хваробу. Перад тым як здзейсніць суіцыд, ён патэлефанаваў жонцы на працу і папрасіў у яе прабачэння, пасля чаго стрэліў сабе ў жывот.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары