Уцечкі аб новых смартфонах Apple не спыняюцца, хоць да чаканага анонсу яшчэ больш за месяц. 4 жніўня ў інтэрнэце з'явілася адразу некалькі новых фота і відэа прылады.
Здымак iPhone 7 у працы з'явіўся ў кітайскай сацсетцы Weibo, а на YouTube апублікавалі відэа работы камеры смартфона. У абодвух выпадках на экране можна ўбачыць праграмнае забеспячэнне для распрацоўшчыкаў, а не публічную версію аперацыйнай сістэмы.
Гэтыя ўцечкі пацвярджаюць чуткі пра знешні выгляд iPhone 7: раз'ёма для слухавак няма, два дынамікі, а на задняй панэлі зніклі пластыкавыя палосы над антэнамі. На гэтым прыкметныя адрозненні новага смартфона ад iPhone 6 заканчваюцца.
Аўтар YouTube-канала Unbox Therapy зрабіў агляд корпуса прататыпа меркаванага iPhone 7 Pro. Галоўная навіна — з'яўленне блакітнага колеру ў лінейцы гаджэтаў Apple. У смартфона таксама няма 3,5-мм раз'ёма для слухавак, затое ёсць двайны модуль камеры.
Чакаецца, што прэзентацыя iPhone 7 і iPhone 7s пройдзе ў верасні 2016 года. Па дадзеных уцечак, у смартфоне не будзе вялікіх зменаў у параўнанні з папярэднімі мадэлямі.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца13
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары