Два польскія вайсковыя знішчальнікі прымусілі да пасадкі расійскі лёгкаматорны самалёт, які перасёк мяжу і накіроўваўся да Кракава.
Як паведамляе выданне Polska Times, два зьнішчальнікі F-16 ВПС Польшчы перахапілі расійскі лёгкаматорны самалёт, які перасёк мяжу і ляцеў у кірунку Кракава. Пілота вымусілі змяніць курс і пасадзіць машыну на аэрадроме горада Радам, размешчанага на поўдзень ад Варшавы.
Па дадзеных выдання, пілот быў затрыманы, а яго самалёт быў пастаўлены ў ангар.
Афіцыйна Міністэрства абароны Польшчы не пацвердзіла інфармацыю пра інцыдэнт, адказаўшы, што для гэтага неабходны афіцыйны запыт.
Па дадзеных выдання, расійскі пілот павінен быў удзельнічаць у чэмпіянаце па вышэйшым пілатажы і прыбыў у Польшчу крыху раней за сваіх калегаў, каб загадзя прыступіць да трэніровак.
Polska Times таксама прыводзіць меркаванне мясцовых авіяцыйных спецыялістаў, якія кажуць, што польскія ВПС такім чынам адрэагавалі на невялікі самалёт, адпрацоўваючы сістэму маніторынгу паветранай прасторы. Пры гэтым яны скарысталіся тым фактам, што ў Кракаў прыбыў папа Францішак, а таму былі ўжытыя асаблівыя меры бяспекі.
Пры гэтым крыніца выдання ў сістэме СПА адзначыў, што сам інцыдэнт паказаў гатоўнасць Польшчы да падобных інцыдэнтаў.
Цяпер чытаюць
З чорнага спісу артыстаў прыбралі тры гурты. Дазволілі нават «Кіно»4
З чорнага спісу артыстаў прыбралі тры гурты. Дазволілі нават «Кіно»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары