Амерыканскі фермер злавіў выкрадальніка ровара з дапамогай ласо ФОТАФАКТ
Фермер з амерыканскага штата Арэгон злавіў выкрадальніка ровара з дапамогай ласо, паведамляе мясцовая паліцыя.
У пятніцу раніцай 28-гадовы Роберт Борба, па дадзеных мясцовых СМІ, загружаў пакупкі ў свой аўтамабіль на паркоўцы крамы Walmart.
У гэты момант ён пачуў крык жанчыны, якая клікала на дапамогу. У яе спрабавалі скрасці ровар.
Борба амаль адразу ўскочыў на свайго каня, які знаходзіўся ў трэйлеры на паркоўцы. Ён дагнаў выкрадальніка і накінуў на яго ласо.
Вяроўка зачапіла ногі выкрадальніка, і ён паваліўся. Борба затым адцягнуў яго да краю паркоўкі, звязаў і выклікаў паліцыю.
У інтэрв'ю мясцовым СМІ фермер растлумачыў, што не змог бы дагнаць выкрадальніка без каня, бо ён недастаткова хутка бегае.
Фермер рэгулярна выкарыстоўвае ласо ў сельскай гаспадарцы, прытрымліваючы з дапамогай вяроўкі жывёл.
Паліцыя, што прыехала па выкліку, пабачыла звязанага выкрадальніка і ровар. Паліцэйскія прызналіся, што ў першы раз бачаць, як выкрадальнікаў ловяць з дапамогай ласо.
Цяпер чытаюць
Памятаеце Данілу з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў і з чаго ўсё пачалося1
Каментары