Кароль Саудаўскай Аравіі Салман ібн Абдул-Азіз Аль Сауд сваім указам зняў з пасады кіраўніка міністэрства нафты Алі ан-Нуаймі. Яго месца зойме Халід аль-Фаліх, які ўзначальвае найбуйнейшую нафтавую кампанію каралеўства.
Згодна з указам саудаўскага караля Салмана, Алі ан-Нуаймі, які займаў пасаду міністра нафты Саудаўскай Аравіі з 1995 года, пакіне сваю пасаду, паведамляе Reuters. Пасаду ан-Нуаймі зойме Халід аль-Фаліх, тым жа ўказам вызвалены ад пасады міністра аховы здароўя.
Іншы ўказ караля, таксама апублікаваны 7 мая, прадугледжвае, што цяпер Міністэрства нафты заменіць новае ведамства — Міністэрства энергетыкі, прамысловасці і мінеральных рэсурсаў, ўзначальваць якое будзе аль-Фаліх. Новы міністр таксама ўзначальвае найбуйнейшую нафтавую кампанію краіны Saudi Aramco.
Як адзначае Bloomberg, як і яго папярэднік, аль-Фаліх не з'яўляецца членам саудаўскай кіруючай сям'і, і яго прызначэнне каралём Салманам адпавядае прынятай у краіне практыцы, калі нафтавай прамысловасцю кіруе міністр, які не ўваходзіць у каралеўскую сям'ю.
Акрамя таго, кароль змяніў яшчэ шэраг міністраў у сваім урадзе і стварыў новае ведамства - Міністэрства культуры.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары