Пра гэта нам сёння расказаў сам баксёр.
«Я на зборах, усё нармалёва, ідзе падрыхтоўка, на чэмпіянат еду!», — сказаў сёння Віталь Гуркоў «Нашай Ніве».
«Атмасфера тут выдатная, усе займаюцца сваёй справай і не згадваюць ніякіх былых канфліктаў, задача стаіць быць маналітнай камандай і перамагаць», — дадаў таксама баксёр і расказаў, што грошы на ягоную паезду на чэмпіянат свету па муай-тай, што пройдзе ў шведскім Ёнчопінгу з 19 па 28 мая, адшукаліся адразу ж, як толькі падняўся шум у інтэрнэце.
Баксёр прасіў перадаць ягоную падзяку міністэрству за такі аператыўны і паспяховы пошук сродкаў.
Нагадаем, што нядаўна вакол дзесяціразовага чэмпіёна свету па Муай-тай разыграўся скандал.
Пасля таго, як Гуркоў упэўнена перамог на чэмпіянаце Беларусі і прайшоў адбор на сусветнае першынство, стала вядома, што паездка ў Швецыю пад пагрозай нібыта праз «адсутнасць сродкаў».
Гэта тлумачылася тым, што Гуркоў не знаходзіцца на стаўцы ў Мінспорту — Віталь сышоў адтуль праз немагчымасць спалучаць знаходжанне ў зборнай і свае выступы ў Brutto.
У адказ беларусы талакой за некалькі гадзін сабралі Гуркову 3000 еўра, неабходныя для паездкі. Аднак Віталь тады не узяў гэты грошы, сказаўшы, што лепш аддаць іх у дзіцячы дом.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна26
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары