Расійская авіяцыйная групоўка ў Сірыі працягне наносіць удары па аб'ектах тэрарыстаў, заявіў сёння намеснік міністра абароны Расіі — статс-сакратар Мікалай Панкоў.
«Дасягнуты пэўныя станоўчыя вынікі. З'явіўся рэальны шанц пакласці канец шматгадоваму процістаянню і гвалту. Аднак пра перамогу над тэрарызмам гаварыць пакуль рана. Расійская авіягрупа мае задачу працягнуць нанясенне ўдараў па аб'ектах тэрарыстаў», — сказаў Мікалай Панкоў на ўрачыстым мерапрыемстве ў сувязі з выкананнем расійскімі ваеннымі задач на тэрыторыі Сірыі.
Ён нагадаў, што перамір'е, дзеючае ў краіне з 27 лютага, не распаўсюджваецца на баевікоў «Ісламскай дзяржавы», «Джэбхат ан-нусры» і іншых груповак, прызнаных Саветам Бяспекі ААН тэрарыстычнымі.
Мікалай Панкоў таксама паведаміў, што баявая работа расійскіх лётчыкаў і падраздзяленняў забеспячэння ў Сірыі дала магчымасць «сарваць планы тэрарыстаў па экспансіі ў новыя рэгіёны, у тым ліку ў Расію». Пры гэтым ён адзначыў, што «за кошт нанясення істотнага ўрону тэрарыстам удалося актывізаваць наступы груповах урадавых войскаў Сірыйскай Арабскай Рэспублікі і вызваліць больш як 200 населеных пунктаў».
Нагадаем, учора прэзідэнт РФ Уладзімір Пуцін загадаў пачаць вывад асноўных войскаў з Сірыі.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў7
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары