Кандрусевіч: Пакуль невядома, хто зменіць Гуджэроці на пасадзе нунцыя ў Беларусі
Рымска-каталіцкая царква ў Беларусі пакуль не ведае, хто зменіць апостальскага нунцыя арцыбіскупа Клаўдыа Гуджэроці, які завяршае сваё служэнне ў краіне ў сувязі з пераводам ва Украіну. Пра гэта сёння заявіў журналістам на перадкаляднай прэс-канферэнцыі мітрапаліт Мінска-Магілёўскай архідыяцэзіі Рымска-каталіцкай царквы арцыбіскуп Тадэвуш Кандрусевіч.
«Напрыклад, змена нунцыя ў Літве ў мінулым годзе працягвалася паўгода. Таму нічога не ведаю. Гэта можа быць і 16 снежня, пасля ад'езду арцыбіскупа, а можа быць і пазней. Але мы молімся, каб новы нунцый быў такім жа актыўным», — сказаў Тадэвуш Кандрусевіч.
Мітрапаліт нагадаў, што арцыбіскуп Клаўдыа Гуджэроцці прызначаны апостальскім нунцыем ва Украіне. «Мінскія пагадненні далі імпульс у вырашэнні праблем ва Украіне. Да поўнага іх рашэння яшчэ далёка, але, як гаворыцца ў прыказцы, лепш дрэнны мір, чым добрая вайна. Можа, гэта і сімвалічна, што беларускі нунцый едзе ў Кіеў. Мы ведаем, якая там сітуацыя. Але там таксама ёсць вернікі», — заўважыў ён.
Таксама, паводле яго слоў, пакуль няма ніякіх дадзеных аб прыездзе Папы ў Беларусь. «Пакуль няма ніякіх звестак, мы яшчэ нічога не ведаем», - сказаў Тадэвуш Кандрусевіч.
Цяпер чытаюць
З чорнага спісу артыстаў прыбралі тры гурты. Дазволілі нават «Кіно»4
З чорнага спісу артыстаў прыбралі тры гурты. Дазволілі нават «Кіно»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары