Кіраўнік Чачні Рамзан Кадыраў заявіў аб гатоўнасці чачэнскіх вайскоўцаў адправіцца ў Сірыю для ўдзелу ў баях з «Ісламскай дзяржавай».
«Я гэта не проста кажу. Я як мусульманін, як чачэнец, як патрыёт Расіі заяўляю, што ў 1999 годзе, калі рэспубліка была ахоплена гэтымі шайтанамі, якія сёння існуюць, мы далі клятву на Каране: усё сваё жыццё будзем змагацца супраць іх, дзе б яны ні знаходзіліся. Я не проста кажу, я прашу, каб нам дазволілі выехаць туды і ўдзельнічаць у гэтых спецаперацыях», — сказаў Кадыраў.
Ён адзначыў, што рашэнне павінен прыняць вярхоўны галоўнакамандуючы і прэзідэнт краіны Уладзімір Пуцін, дадаўшы, што чачэнскія вайскоўцы гатовыя да баявых дзеянняў.
На думку кіраўніка Чачні, як толькі тэрарысты ў Сірыі зразумеюць, што да іх накіроўваюцца салдаты, яны хутка сыдуць адтуль.
«Мы ведаем іх, мы іх тут знішчалі, мы з імі ваявалі. І яны нас ведаюць», — заявіў Рамзан Кадыраў.
«Тэрарысты пакуль не ведаюць, што такое рэальная вайна, паколькі мелі справу толькі з бамбёжкамі, а ў ваенных дзеяннях у іх няма вопыту», — дадаў ён.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым6
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары