А 10.00 у пятніцу, 14 сакавіка, адбудзецца разгляд справы па іску намесьніка старшыні Партыі БНФ Алеся Міхалевіча да газэты "Советская Белоруссия" і яе журналіста Арцёма Чалядзінскага у судзе Савецкага раёну.
А 10.00 у пятніцу, 14 сакавіка, адбудзецца разгляд справы па іску намесьніка старшыні Партыі БНФ Алеся Міхалевіча да газэты "Советская Белоруссия" і яе журналіста Арцёма Чалядзінскага у судзе Савецкага раёну (Лагойскі тракт, 3). Як было высьветлена на папярэднім разглядзе справы, пад гэтым псэўданімам друкуецца галоўны рэдактар «Советской Белоруссии» Павел Якубовіч, паведамляецца ў распаўсюджаным А. Міхалевічам прэс-рэлізе.
11 студзеня 2008 году ў газэце «Советская Белоруссия» быў надрукаваны артыкул Арцёма Чалядзінскага «Крутой мираж». Сярод іншага аўтар артыкула сьцьвярджае: «Потому они искренне полагают, что никогда в жизни не вырастившие и тем более не продавшие ведра картошки Михалевич — Милинкевич реально помогут им в специфических предпринимательских проблемах». Алесь Міхалевіч лічыць, што гэты артыкул ганьбіць ягоны гонар, годнасьць і дзелавую рэпутацыю.
Міхалевіч патрабуе ад «Советской Белоруссии» абвергнуць на сваіх старонках непраўдзівыя зьвесткі пра яго, а таксама выплаціць кампэнсацыю маральнай шкоды ў памеры 6160 рублёў — столькі каштуе ў ГУМе новае вядро для бульбы.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў7
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары