Аналіз праграм кандыдатаў: у Лукашэнкі — «мы», у Караткевіч — «будзе», а ў Гайдукевіча — «Гайдукевіч»
Свае перадвыбарныя праграмы ўжо апублікавалі ўсе кандыдаты ў прэзідэнты.
«Наша Ніва» прааналізавала існуючыя праграмы на частотнасць. Якія словы былі ў гэтых дакументах самымі папулярнымі?
У Сяргея Гайдукевіча найчасцей сустракаецца слова… «Гайдукевіч».
Відаць, нейкія паліттэхнолагі параілі штабу пачынаць кожны абзац з прозвішча палітыка. У выніку «Гайдукевіч» сустракаецца 37 разоў.
Далей па папулярнасці ідуць «краіна» (21 раз) і «Беларусь/беларус/беларускі» (20 разоў). Іншыя словы ўзгадваюцца радзей за 10 разоў.
У Таццяны Караткевіч пералічваюцца запланаваныя перамены, таму слова «будзе» згадваецца 32 разы.
На другім месцы «Беларусь/беларус/беларускі» — 28 разоў.
Далей з вялікім адрывам ідуць «забяспечваць» (16 разоў), «развіццё» (15 разоў), «павінен» (14 разоў), «грамадзянскі» і «сацыяльны» (па 13 пазоў).
У Аляксандра Лукашэнкі пераважае словы «мы/нас/нам» (53 разы). Толькі пасля гэтага ідуць «Беларусь/беларус/беларускі» (27 разоў).
У Мікалая Улаховіч самая частая канструкцыя — «Беларусь/беларус/беларускі» (28 разоў). Ніводнае іншае слова больш за 15 разоў не выкарыстоўвалася.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары