У Сонечную сістэму 70 тысяч год таму залятала двайная зорка
Зорка Шольца са сваім спадарожнікам магла пралятаць за 0,8 светлавага года ад Зямлі.
Паводле даследавання міжнароднай групы астрафізікаў, апублікаванага ў часопісе Astrophysical Journal Letters, знойдзеная ў 2013 годзе зорка Шольца стала першай вядомай зоркай, што пралятала ў межах Сонечнай сістэмы.
Сёння зорка Шольца знаходзіцца ў 20 светлавых гадах ад Зямлі і не бачная няўзброеным вокам. Але навукоўцы мяркуюць, што 70 тысяч год таму яе маглі назіраць людзі ў Афрыцы.
З вылічаных 10 тысяч магчымых траекторый 98% праходзілі 70 тысяч год таму праз гіпатэтычнае воблака Аорта.
Знаходжанне там зоркі магло прывесці да актывацыі кароткачасовых каметных дажджоў. Але праз малую масу і нізкую хуткасць зоркі Шольца навукоўцы кажуць аб малым эфекце на арбіты камет воблака.
Так супала, што ў гэты ж час на Зямлі адбылося супервывяржэнне вулкана Тоба, што магло выклікаць глабальнае пахаладанне — апошні ледавіковы перыяд — і паставіць чалавецтва на мяжу вымірання.
* * *
Воблака Аорта лічыцца мяжой сонечнай сістэмы. Гэта вобласць ў межах да аднога светлавага году ад Сонца, якая служыць крыніцай доўгаперыядычных камет.
Зорка Шольца ёсць сістэмай з чырвоным карлікам, маса якога складае прыкладна 8,2% масы Сонца, і карычневым карлікам з масай у 6,2% масы Сонца.
* * *
Іншым кандыдатам у «госці» Сонечнай сістэмы ёсць зорка HIP 85605, якая магла знаходзіцца на адлегласці меней за светлавы год ад Зямлі ў перыяд з 240 да 470 тысяч год таму. Найбліжэйшая да Зямлі зорка сёння — Проксіма Цэнтаўра на адлегласці ў 4,2 светлавога года.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары