Irmantas Gelūnas, WLL
10 студзеня тэрыторыя Беларусі будзе знаходзіцца пад уплывам атмасферных франтоў, якія змяшчаюцца з Заходняй Еўропы. Чакаецца воблачнае з праясненнямі надвор'е.
На большай частцы тэрыторыі пройдуць ападкі (снег, мокры снег, па захадзе з дажджом). Месцамі слабыя туман і галалёд. На асобных участках дарог галалёдзіца.
Вецер заходні парывісты, ноччу месцамі моцны парывісты.
Тэмпература паветра мінімальная ноччу складзе -5.. + 1°С, максімальная днём -2.. + 3°С, па захадзе да + 5°С.
Атмасферны ціск ноччу і ў першай палове дня будзе расці, у другой палове дня будзе падаць.
У наступныя двое сутак, 11-12 студзеня, чакаецца няўстойлівае ветранае надвор'е. 11 студзеня наша краіна будзе знаходзіцца пад уплывам глыбокага цыклона, які змяшчаецца з поўдня Нарвегіі на Фінскі заліў. Ноччу і раніцай на большай частцы, днём месцамі пройдзе кароткачасовы снег, мокры снег, ноччу па поўдні з дажджом. У асобных раёнах чакаецца галалёд, на дарогах галалёдзіца, па поўначы — завіруха.
У многіх раёнах моцны парывісты вецер. Тэмпература паветра на працягу сутак -3.. + 4°С.
12 студзеня захаваецца ўплыў цыклона з цэнтрам над Ленінградскай вобласцю. Часам пройдзе снег, мокры снег. Месцамі галалёд, на дарогах галалёдзіца. Ноччу ў многіх раёнах, днём месцамі моцны парывісты вецер. Тэмпература паветра на працягу сутак -3.. +2°С.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты31
Каментары