Нігерыйская армія паведаміла аб перахопе расійскага грузавога самалёта, на борце якога знаходзіліся верталёты, аўтамабілі і іншае вайсковае абсталяванне, пры гэтым увесь груз не быў належным чынам задэклараваны.
Паводле інфармацыі нігерыйскіх СМІ, самалёт вылецеў са сталіцы Цэнтральнаафрыканскай рэспублікі, горада Бангі, і накіроўваўся ў сталіцу Чада Нджамену.
Самалёт утрымліваецца ў аэрапорце горада Кана на поўначы Нігерыі, усе члены экіпажа затрыманыя. Мясцовыя ўлады пачалі расследаванне.
Пасольства Расіі ў Нігерыі паспяшалася заявіць, што затрыманы самалёт не расійскі, паведамляе Бі-Бі-Сі.
На поўначы Нігерыі адбываецца крывавы канфлікт з ісламістамі з тэрарыстычнай арганізацыі «Бока харам». Нігерыя — найбольшая па колькасці насельніцтва краіна Афрыкі. Яна буйны экспарцёр нафты, у выніку чаго нестабільнасць у ёй мае глабальны ўплыў.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары