У Беларусі зацверджаны бюджэт пражытачнага мінімуму ў сярэднім на душу насельніцтва і па асноўных сацыяльна-дэмаграфічных групах у цэнах сакавіка 2014 года ў разліку на адзін месяц. Такое рашэнне змяшчаецца ў пастанове Савета міністраў ад 24 красавіка бягучага года № 387, паведамілі ў прэс-службе беларускага ўрада.
Бюджэт пражытачнага мінімуму ў сярэднім на душу насельніцтва ад 1 мая да 31 ліпеня гэтага года складзе 1 млн 212 тыс. 470 рублёў, што на 7,5% больш за ранейшы нарматыў.
Для працаздольнага насельніцтва БПМ з мая усталяваны ў памеры 1 млн 357 тыс. 440 рублёў, для пенсіянераў - 1 млн 31 тыс. 330, для дзяцей да 3 гадоў — 1 млн 27 тыс. 90, для дзяцей ад 3 да 6 гадоў - 1 млн 328 тыс. 760, для дзяцей ад 6 да 18 гадоў - 1 млн 326 тыс. 710, для дзяцей-студэнтаў — 1 млн 236 тыс. 240 рублёў.
У сувязі з павышэннем БПМ ад 1 мая на 7,5% павялічваюцца памеры працоўных мінімальных і сацыяльных пенсій, а таксама надбаўкі і павышэнні, устаноўленыя да пенсій асобных катэгорый пенсіянераў. На такую ж велічыню вырастуць памеры некаторых відаў дзяржаўных дапамог сем'ям, якія выхоўваюць дзяцей.
Як паведамлялася, законам «Аб пражытачным мінімуме ў Рэспубліцы Беларусь» устаноўлена прававая аснова вызначэння пражытачнага мінімуму і яго выкарыстання. Бюджэт пражытачнага мінімуму ўяўляе сабой вартасную велічыню мінімальнага набору матэрыяльных выгод і паслуг, неабходных для забеспячэння жыццядзейнасці чалавека і захавання яго здароўя, а таксама абавязковыя плацяжы і ўзносы. Ён разлічваецца ў сярэднім на душу насельніцтва і па асноўных сацыяльна-дэмаграфічных групах, і штоквартальна зацвярджаецца пастановай Савета міністраў.
Бюджэт пражытачнага мінімуму як сацыяльны нарматыў выкарыстоўваецца для аналізу і прагназавання ўзроўню жыцця насельніцтва; аказання дзяржаўнай адраснай сацыяльнай дапамогі малазабяспечаным грамадзянам (сем'ям); абгрунтавання мінімальных дзяржаўных сацыяльна-працоўных гарантый.
Чаму YouTube выдаліў каналы БелТА, СТБ і АНТ? Вось што вядома4
Каментары