Пятую паразу запар пацярпела мінскае «Дынама» ў чэмпіянаце Кантынентальнай хакейнай лігі. 19 лістапада каманда Аляксандра Андрыеўскага прайграла ва Уфе «Салавату Юлаеву» з лікам 2:5 (1:0, 1:1, 0:4).
Пасля 27 матчаў «Дынама» з 24 ачкамі займае апошняе, 7-е, месца ў дывізіёне Баброва, апошняе, 14-е, — у Заходняй канферэнцыі і перадапошняе, 27-е, — у агульнай табліцы (6 перамог у асноўны час, 1 перамога па булітах, 2 паражэнні па булітах, 2 паразы ў авертайме, 16 паразаў у асноўны час, розніца шайбаў 50-84).
У 13 выязных матчах «Дынама» пацярпела 13 паразаў, набраўшы 1 бал (розніца шайб 13—48).
Наступныя чатыры матчы «Дынама» правядзе дома з тымі ж сапернікамі, з якімі гуляла ў гэтай выязной серыі:
22 лістапада — з «Салаватам Юлаевым», 24-га — з магнітагорскім «Металургам», 26-га — з ніжнякамскім «Нафтахімікам», 28-га — з чалябінскім «Трактарам».
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты44
Каментары