У матчы 6-га тура баскетбольнага турніру Адзіная ліга ВТБ «Цмокі-Мінск» на «Мінск-Арэне» 17 лістапада перамаглі «Астану» з лікам 82:68 (25:19, 9:15, 28:18, 20:16).
Пасля першай паловы лік быў роўны ў матчы — 34:34, але ў пачатку трэцяга перыяду мінчукі здзейснілі адрыў, які захавалі да канца матчу.
Найлепшым у «Цмокаў» быў Павел Ульянка, які набраў 18 пунктаў, з іх — пяць трохачковых.
У Бранка Міркавіча — чатыры трохачковыя (усяго набраных 14 пунктаў), у Вінсэнта Харпэра — два (усяго 12 пунктаў).
Пасля 6 тураў у «Цмокаў» чатыры перамогі і дзве паразы — гэтае трэцяе месца ў групе.
1. Хімкі — 5-0, 2. ЦСКА — 4-0, 3. Цмокі — 4-2, 4. Чырвоныя Крылы — 3-3, 5. Красны Акцябр — 2-3, 6. Трыумф — 2-3, 7. Астана — 2-4, 8. ВЭФ — 2-4, Азоўмаш — 2-4, 10. Няптунас — 1-4.
Наступны матч «Цмокі» правядуць 1 снежня: на «Мінск-Арэне» супраць лідара групы «Хімкаў».
А 20 лістапада на «Мінск-Арэне» ў турніры Еўрачэлендж — матч з «Сальнокам».
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў9
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары