Вечарам 14 кастрычніка ў ДТЗ на аб'язной дарозе ў Гродне загінуў пяцігадовы хлопчык.
ДТЗ адбылося каля 20.30. 25-гадовы кіроўца «БМВ» сутыкнуўся з аўтамашынай «Сітраен», што спынілася. У выніку дзіця 2008 года нараджэння, якое ехала з ім, пры дастаўленні ў бальніцу памерла, а яго сын 2012 года нараджэння змешчаны ў бальніцу.
Загінулага хлопчыка прыціснула мармуровай плітой, якая знаходзілася ў багажніку «БМВ» і падчас сутыкнення з'ехала наперад.
Як паведамілі ва ўпраўленні ДАІ МУС Беларусі, вадзіцель "БМВ" прыцягваўся да адміністрацыйнай адказнасці за парушэнні правілаў дарожнага руху 91 раз пачынаючы з 2007 года.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу
Каментары