Сёлета ў Беларускім дзяржаўным універсітэце інфарматыкі і радыёэлектронікі значна вырас мінімальны прахадны бал, заявіў журналістам рэктар ВНУ Міхаіл Батура 29 ліпеня напярэдадні публічнай працэдуры залічэння абітурыентаў на дзённую бюджэтную форму навучання ва ўніверсітэце.
Паводле слоў рэктара, летась мінімальны прахадны бал у ВНУ складаў 219, а сёлета — 263 для гарадскіх абітурыентаў і 241 — для сельскіх.«Прахадны бал павялічыўся на 40 адзінак. Гэта зрабілі самі абітурыенты, таму што лепш прайшлі тэставанне», — адзначыў ён.
Паводле меркавання Батуры, вялікую ролю ў гэтым працэсе сыграла ўвядзенне мінімальных значэнняў ЦТ, неабходных для паступлення ў ВНУ, якія «мабілізавалі абітурыентаў».
Найбольш папулярнымі спецыяльнасцямі сёлета сталі «Інфарматыка і тэхналогіі праграміравання» (прахадны бал — 360) і «Праграмнае забеспячэнне інфармацыйных тэхналогій» (340 балаў), адзначыў Батура.
Сёлета ў ВНУ адкрылася новая спецыяльнасць «Праграмныя мабільныя сістэмы», на якую зафіксаваны конкурс 4 чалавекі на месца, а прахадны бал — 310. Паводле слоў Батуры, на гэтай спецыяльнасці дыстанцыйнае навучанне змогуць праходзіць таксама жыхары ЗША.
У ВНУ з’явілася новая англамоўная спецыяльнасць — «
Паводле слоў рэктара БДУІР, сёлета спецыялісты ВНУ дапамагаюць калегам з Беларускага дзяржаўнага педагагічнага ўніверсітэта імя Максіма Танка і Міжнароднага дзяржаўнага экалагічнага ўніверсітэта імя А.Сахарава ўкараняць аўтаматызаваную сістэму залічэння абітурыентаў. У БДУІР гэтая сістэма ўжо функцыянуе. Як растлумачыў Батура, пры дапамозе яе абітурыенты спачатку залічваюцца ва ўніверсітэт у цэлым, а затым размяркоўваюцца па факультэтах зыходзячы са складзенага імі спісу сямі прыярытэтных спецыяльнасцяў.
«Я думаю, што яны (іншыя ВНУ, якія тэстуюць праграму) застануцца задаволеныя, таму што сістэма бездакорна працуе, сумленна і аб’ектыўна», — адзначыў Батура.
Каментары