Прэс-сакратар прэзідэнта Расіі Дзмітрый Пяскоў абверг паведамленні некаторых СМІ аб тым, што апазіцыянер Аляксей Навальны мог быць вызвалены з-пад варты па ўказанні прэзідэнта Пуціна, пра што, у сваю чаргу, кіраўніка дзяржавы мог папрасіць в.а. мэра Масквы Сяргей Сабянін.
Пяскоў назваў гэтыя здагадкі глупствам.
"Наогул казаць пра тое, што прэзідэнт даў каманду і Навальнага вызвалілі — гэта, прынамсі, глупства. Гэта значыць не ведаць, як уладкаваная ў нас судовая ўлада. Рашэнне суда аб узяцці яго пад варту ў зале суда было апратэставана ў законным парадку, і прымешваць сюды неяк прэзідэнта — нелагічна і няправільна", — заявіў прэс-сакратар прэзідэнта.
У чацвер кандыдат у мэры Масквы і кіраўнік Фонду па барацьбе з карупцыяй Аляксей Навальны быў асуджаны да пяці гадоў пазбаўлення волі па справе "Кіраўлеса" і арыштаваны ў зале суда.
Аднак у той жа дзень - нечакана для ўсіх, уключна з самім Навальным, — рашэнне аб заключэнні яго пад варту абскардзіла пракуратура, і ў пятніцу Навальны быў адпушчаны пад падпіску аб нявыездзе.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары