Падчас рэвалюцыі ў Егіпце вайскоўцы загадвалі апераваць апазіцыянераў без анестэзіі
У Егіпце падчас знаходжання ва ўладзе вайскоўцаў дактарам было загадана апераваць параненых падчас дэманстрацый апазіцыянераў без выкарыстання анестэзіі.
А самі супрацоўнікі медустановаў нярэдка здзяйснялі напады на пацыентаў. Пра гэта паведамляе The Guardian са спасылкай на даклад, падрыхтаваны па даручэнні прэзідэнта краіны Мухамеда Мурсі, аб правапарушэннях з боку вайскоўцаў і паліцэйскіх падчас рэвалюцыі 2011 года і пасля яе.
У дакладзе расказваецца пра паводзіны медперсаналу ў ваенным шпіталі Кобры-эль-Коба ў Каіры.
Згодна з дакументам, галоўны доктар бальніцы загадаў апераваць дэманстрантаў без анестэзіі і сродкаў дэзінфекцыі, а медсёстры, дактары і старшыя афіцэры збівалі пацыентаў. У дакладзе таксама гаворыцца, што адзін з афіцэраў загадаў салдатам замкнуць апазіцыянераў у падвале шпіталя.
Акрамя таго, складальнікі дакумента рэкамендуюць прэзідэнту Егіпта правесці расследаванне ў дачыненні да найвышэйшых чыноў узброеных сілаў краіны, каб вызначыць, ці павінныя яны панесці адказнасць за здзейсненыя падчас рэвалюцыі злачынствы.
Аўтары дакладу таксама адзначаюць, што за 18 дзён хваляванняў больш чым тысяча чалавек знікла без вестак.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары