Гарынь выходзіць з берагоў — на Століншчыне людзі вымушаныя перасяляцца да сваякоў
МНС абнавіла інфармацыю пра паводкавую сітуацыю.
Дзесяць падворкаў у вёсцы Белавуша, адзін дом і чатыры падворкі ў вёсцы Манькавічы Столінскага раёна падтопленыя паводкавымі водамі Гарыні, паведамляе сайт МНС. Вышыня падтаплення сягае да 30 см.
У Манькавічах пяць чалавек, з якіх трое — дзеці, часова перасяліліся да сваякоў.
У выніку ўздыму ўзроўню вады ў рэках Прыпяць, Гарынь, Простыр, Ведрыч на тэрыторыі Брэсцкай і Гомельскай абласцей застаюцца падтопленымі паводкавымі водамі 3 участкі дарог, 92 падворкі, 1 жылы дом, 32 дачных дома, 50 гаспадарчых пабудоў (Жыткавіцкі р-н — 9 падворкаў, 1 гаспадарчая пабудова; Мазырскі р-н — 54 падворкі, 46 гаспадарчых пабудоў, 32 дачных дома; Петрыкаўскі р-н — 3 участка дарог, 6 падворкаў; Рэчыцкі р-н — 7 падворкаў; Пінскі р-н — 2 падворка, 2 гаспадарчыя пабудовы; Столінскі р-н — 14 падворкаў, 1 жылы дом, 1 гаспадарчая пабудова).
Жыццезабеспячэнне населеных пунктаў не парушана, вядзецца пастаянны маніторынг паводкавай сітуацыі.
Чаму YouTube выдаліў каналы БелТА, СТБ і АНТ? Вось што вядома11
Каментары