Niazvykłuju karcinu stali nazirać žychary Žłobina: z kominaŭ Biełaruskaha mietałurhičnaha zavoda pierastaŭ pastajanna iści dym, jak heta było raniej. Ciapier zavod dymić tolki čas ad času. Heta aznačaje, što piečy pieryjadyčna vyklučajuć, piša «Fłahštok».
Videa ź niepracujučym zavodam padzialilisia čytačy z resursam «Svobodnyj Žłobin».
Tłumačeńnie ž pryčyny adsutnaści dymu «Fłahštok» znajšoŭ u kamientarach u sacsietkach:
«Ciapier dymoŭ niama, tamu što piečki pa čarzie pracujuć. Niama toj zahruzki pracy jak heta było raniej. Voś i dymu nie vidać»;
«Dym jość tolki padčas zahruzki»;
«Zavod źmienu pracuje, try staić».
Karystalniki taksama adznačyli, što dym bačny pa viečarach, časam — ranicaj. U astatni čas vytvorčaść prastojvaje.
Nijakaj aficyjnaj infarmacyi pra heta niama. U kancy lipienia na BMZ śćviardžali, što pa vynikach pieršaha paŭhodździa zavod spracavaŭ z prybytkam. Pra heta zajaŭlaŭ namieśnik hienieralnaha dyrektara Siarhiej Ciarlecki na sustrečy z kalektyvam adnaho z padraździaleńniaŭ pradpryjemstva.
Pavodle jaho Ciarleckaha, «pa vynikach paŭhodździa zavod zachavaŭ bałans, pakazaŭšy prybytkovuju pracu, my praciahvajem iści napierad». Taksama jon adznačyŭ, što «zadača — zachoŭvać ustojlivaść pry luboj turbulentnaści i zastavacca kankurentazdolnymi».
Jak nie raz paviedamlałasia, prablemnaja situacyja skłałasia na zavodzie praz padzieńnie vytvorčaści. Uviesnu rabotnikaŭ niekatorych cechaŭ stali adpraŭlać u adpačynki za svoj košt, a ŭ žniŭni zrušyli terminy vydačy zarobkaŭ.
Rabotniki žłobinskaj fabryki «Biełfa» aburanyja rašeńniem ab jaje zakryćci
Na BMZ rabotnikaŭ niekatorych cechaŭ stali adpraŭlać u adpačynki za svoj košt
BELPOL raskryŭ schiemy, jak Biełaruś zarablaje na vytvorčaści detalaŭ dla rasijskich snaradaŭ
U Žłobinie śpiecnaz zatrymaŭ troch čałaviek za ŭdzieł u pratestach
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
- U Vatykanie, kali z truby idzie dym - značyć, budzie novy papa. A ŭ Biełarusi, kali budziecie novy papa, tady z trubaŭ zavodaŭ pojdzie dym. :D
Očień niepłocho by było, jeśli by Naša Niva, a takžie Fłahštok razuznali pro mazut, skolko jeho siejčas tajkom ot nasielenija sžihajetsia na TEC i TES. Mazut toplivo očień diešievoje, jeŝie diešievle čiem prirodnyj haz (dla połučienija kiłovatt časa), a na filtrach v Biełarusi lubiat ekonomiť.