My vam, blin, nie bananavaja respublika!
U «Sosnach» pad Minskam sapraŭdy jość uzbahačany ŭran. I Minsk sprabuje samaśćviardžacca, demanstrujučy kompleksy tynejdžera: my — krutyja! Piša ŭ svaim błohu na NN Alaksandr Kłaskoŭski.
Zahnany ŭ kut Bakijeŭ paviedamiŭ 15 krasavika, što nie skarystaŭsia, adnak, žestam biełaruskaha kiraŭnika: laci, maŭlaŭ, u Minsk, budzieš jak doma!
Jon addaŭ pieravahu dapamozie z boku hrandaŭ, najpierš ZŠA dy Rasii, što ŭzbroilisia humanitarnymi mierkavańniami (karaciej, kab nie dajšło da rumynskaha varyjanta).
Zrynutaha kalehu pryniaŭ susied Nazarbajeŭ. Taki ž aŭtarytarny, jak i niaźmienny biełaruski prezident, kiraŭnik Kazachstana, adnak, nie staŭ piedalavać matyŭ «salidarnaści dyktataraŭ» (što mnohija ŭbačyli ŭ pramovie Łukašenki na Prypiaci), a skarystaŭ jak dach staršynioŭstva svajoj krainy ŭ ABSIE.
Vyhladaje na toje, što niaŭkludnaja dypłamatyja biełaruskaha načalstva znoŭ paciarpieła fijaska.
Prapanujučy prytułak Bakijevu, Łukašenka, mahčyma, nie viedaŭ, što ŭ kułuarach samita ŭ Vašynhtonie Abama, Miadźviedzieŭ dy Nazarbajeŭ užo raspracavali płan, jak ratavać niaŭdałaha vyłučenca kolišniaj revalucyi ciulpanaŭ ad paŭtareńnia losu Čaŭšesku.
Apošnimi dniami tutejšaje kiraŭnictva ŭsialak sprabuje stać na dybački, pakazać svaju značnaść u mižnarodnym maštabie. Pramova na Prypiaci była prasiaknuta kryŭdaj na amierykancaŭ akurat za toje, što nie zaprasili na samit pa jadziernym razzbrajeńni. Miž tym jak i zhadanyja Miadźviedzieŭ z Nazarbajevym, i tolki što abrany Janukovič, i navat armianski prezident Sarhsian, i jašče
Siensacyjnaja zajava pra sotni kehe faktyčna zbrojnaha ŭranu ŭ našych schovach jakraz i mieła na mecie pakazać śvietu kuźkavu maci. Minsk sprabuje samaśćviardžacca, demanstrujučy kompleksy tynejdžera. My vam, blin, nie bananavaja respublika, my — krutyja!
Tut, kaniečnie, šmat rysoŭki pierad svaim elektaratam. Ale nie tolki.
Zaraz vyśviatlajucca cikavyja detali. Pavodle Naviny.by, u instytucie «Sosny» pad Minskam navukoŭcy sapraŭdy vykarystoŭvajuć dla dośledaŭ uzbahačany ŭran. Usio, kaniečnie, pad kantrolem MAHATE.
Miž tym suśvietnyja jadziernyja hrandy, treba razumieć, dziejničajuć pavodle pryncypu «bieražonaha boh bieraže». Tak, Rasija na samicie ŭ Vašynhtonie ŭziała na siabie abaviazak vyvieźci sioleta adpracavanaje vysokaŭzbahačanaje ŭranavaje paliva z šerahu krain: Ukrainy, Polščy, Hiermanii, Sierbii i — uvaha! — Biełarusi.
Padsiakajecie fišku?
Ci nie Miadźviedzievu pierad majskaj sustrečaj najpierš byŭ pasłany miesedž ź bieraha Prypiaci? Kštałtu: nie zdymieš myta na naftapradukty — atrymaješ ad miortvaha asła vušy.
Zrešty, kaliva taho doślednaha ŭranu — heta materyjał chiba dziela drobnaha šantažu.
A ciapier
ujavicie siabie, što Minsk mieŭ by siońnia jadziernyja rakiety. Achmadziniedžad moh by, musić, adpačyvać.
Heta da pytańnia pra toje, ci prajhrała Biełaruś pa vialikim rachunku (pra niuansy možna dyskutavać), zhadziŭšysia addać jadziernyja brazhotki padčas «vakchanalii nacyjanalistaŭ» — akurat pierad pačatkam słaŭnaj prezidenckaj ery.
P.P.S. Biełaruskija słužbovyja asoby družna abviarhajuć viersiju ab prylocie siudy Bakijeva. Sapraŭdy, zaraz tutejšamu načalstvu tolki i nie stavała dražnić cełuju čaradu roznych husiej.
Byłoha supracoŭnika kontrraźviedki KDB aryštavali za zdradu dziaržavie9
Kamientary