Z pačatku hoda ŭ Biełarusi pravoŭ kiravańnia transpartnymi srodkami byli pazbaŭlenyja bolš za 10 tysiač kiroŭcaŭ. I heta nie ličačy tych, chto trapiŭsia za rulom u niećviarozym vyhladzie. Statystyku pryvioŭ načalnik DAI Viktar Rotčankaŭ, piša Onliner.by.
U krainie składvajecca niaprostaja situacyja z darožnym traŭmatyzmam. Z pačatku hoda za stvareńnie avaryjnaj situacyi piešachodam, nievykanańnie chutkasnaha režymu i praviłaŭ abhonu bolš za dziesiać tysiač kiroŭcaŭ pazbaŭlenyja prava kiravańnia transpartnymi srodkami. Za niećviarozaje kiravańnie pryciahnutyja da adkaznaści zvyš piaci tysiač parušalnikaŭ, taksama za rulom było vyjaŭlena 20 tysiač «biaspraŭnikaŭ».
— DAI praciahvaje nieści słužbu va ŭzmocnienym režymie, aryjentavany na vyjaŭleńnie i spynieńnie hrubych parušeńniaŭ PDR usimi katehoryjami ŭdzielnikaŭ darožnaha ruchu, daču pryncypovaj acenki ich dziejańniam, — adznačyŭ Viktar Rotčankaŭ.
— U orhanach unutranych spraŭ dastatkova sił i srodkaŭ dla vyjaŭleńnia i spynieńnia pravaparušeńniaŭ. Akramia ažyćciaŭleńnia kantrolu niepasredna na darohach z prymianieńniem novych technałohij, pastajanna adsočvajecca infarmacyja na internet-resursach, aktyŭna vykarystoŭvajucca mahčymaści respublikanskaj sistemy manitorynhu hramadskaj biaśpieki.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača16
Kamientary