Zialenski prapanavaŭ pravieści trochbakovuju sustreču z Pucinym i Trampam
Prezident Ukrainy Uładzimir Zialenski zaklikaŭ da trochbakovaha samitu z Donaldam Trampam i Uładzimiram Pucinym, tak jon imkniecca prymusić Maskvu spynić vajnu, paviedamlaje AFP.
Raniej prezident Rasii Pucin adchiliŭ zakliki sustrecca ź Zialenskim u Turcyi — Kreml zajaviŭ, što sustreča pamiž dvuma lidarami adbudziecca tolki paśla dasiahnieńnia niejkaha «pahadnieńnia».
Miž tym prezident ZŠA vykazaŭ niezadavolenaść jak Pucinym, tak i Zialenskim za toje, što jany jašče nie dasiahnuli pahadnieńnia ab zakančeńni vajny.
«Kali Pucinu niekamfortna pry sustrečy sam-nasam, abo kali ŭsie chočuć, kab heta była trochbakovaja sustreča, ja nie suprać. Ja hatovy da luboha farmatu», — skazaŭ Zialenski žurnalistam.
Ukrainski lidar skazaŭ, što jon «hatovy» da sustrečy «Tramp — Pucin — ja», a taksama zaklikaŭ Vašynhton udaryć pa Maskvie pakietam žorstkich sankcyj u dačynieńni da jaje bankaŭskaj i enierhietyčnaj śfiery.
«My čakajem sankcyj ad Złučanych Štataŭ Amieryki», — skazaŭ Zialenski.
«Tramp paćvierdziŭ, što kali Rasija nie spynicca, sankcyi buduć uviedzienyja. My abmierkavali ź im dva hałoŭnyja aśpiekty — enierhietyka i bankaŭskaja sistema. Ci zmohuć ZŠA ŭvieści sankcyi suprać hetych dvuch siektaraŭ? Mnie vielmi chaciełasia b hetaha».
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary