Bujnyja dziaržpradpryjemstvy chočuć pracaŭładkavać tysiačy rabotnikaŭ
Niahledziačy na spad prodažaŭ za miažoj i ŭzmacnieńnie kankurencyi, takija pramysłovyja hihanty Biełarusi, jak MAZ i MTZ, nacelenyja na pašyreńnie štata. Pra heta piša «Lusterka», abapirajučysia na danyja zakrytych dakumientaŭ, atrymanych pry dapamozie Belpol.
Na MTZ u 2024-m pastupova skaračałasia kolkaść rabotnikaŭ. Kali ŭ studzieni-sakaviku ŭ siarednim ich było 15 032, to da kanca hoda — užo 14 805. Ale na hetym pradpryjemstvie płanujuć aktyŭna nabirać rabotnikaŭ u 2025-m: čakajecca, što ŭ siarednim ich stanie 15 330 čałaviek. Heta na 525 bolš, čym u apošnim kvartale minułaha hoda. Dla paraŭnańnia: u 2020-m na hetym zavodzie było 15 753 rabotniki.
U 2024-m na MAZie siaredniaja kolkaść rabotnikaŭ była 13 259. Sioleta štat chočuć pavialičyć da 14 997 — heta značyć na 1738 čałaviek. Dla paraŭnańnia: u 2020-m tut pracavała ŭ siarednim 15 387 čałaviek, a ŭ 2019-m — 15 599.
U toj ža čas na «Homsielmašy» pa płanach zajaŭlałasia, što ŭ 2024-m tam pavinna było pracavać u siarednim za hod 8819 čałaviek, a na spravie supracoŭnikaŭ było 8483, vynikaje sa spravazdačy pradpryjemstva.
Raniej, kali paśla prezidenckich vybaraŭ u 2020 hodzie na pradpryjemstvach krainy pačalisia pratesty, Alaksandr Łukašenka zajaviŭ, što tych, chto razhojdvaje situacyju na zavodach, treba zvalniać.
«Słuchajcie, u nas zališniaja kolkaść na MTZ, MAZie, BIEŁAZie — usiudy. Chaj iduć. Ale na zavodach im paśla hetaha miesca być nie pavinna», — zajaŭlaŭ jon.
Paśla hetaha na zavodach stali zvalniać ludziej, a chtości pajšoŭ ź ich sam, nie čakajučy represij.
MTZ u honar pierapryznačeńnia padaryŭ Łukašenku traktar VIDEA
BELPOL raskryŭ schiemy, jak Biełaruś zarablaje na vytvorčaści detalaŭ dla rasijskich snaradaŭ
«Adsiadzieŭ za syna 40 sutak». Rabočy MTZ adčuŭ siabie čałaviekam u 2020-m. Voś jak skłałasia jaho žyćcio dalej
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
Navošta Łukašenku spatrebilisia 150 tysiač pakistancaŭ?
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary