Alaksandr Kuŭšynaŭ raskazaŭ, kamu pojduć hrošy, addadzienyja za hadzińnik Franaka Viačorki
Biznesmien Alaksandr Kuŭšynaŭ, jaki pieramoh na zładžanym Franakam Viačorkam aŭkcyjonie pa prodažy skandalnaha darahoha hadzińnika i zapłacić za jaho 5000 dalaraŭ, paviedamiŭ u fejsbuku, kamu jon, zhodna z raniejšaj damoŭlenaściu, hetyja hrošy pieraviadzie.
Kuŭšynaŭ paviedamiŭ, što hrošy pojduć na patreby dźviuch biełaruskich inicyjatyŭ u Vilni:
- Razam — fond, jaki dapamahaje biełarusam u Litvie, ładzić kulturnickija mierapryjemstvy i viadomy svajoj teatralnaj studyjaj.
- Vilenski biełaruski muzej imia Ivana Łuckieviča, u jakim ładziacca vystavy, lekcyi, kancerty, pracuje škoła vychadnoha dnia, dzie zajmajucca dziasiatki biełaruskich dzietak, jakija vymušana pakinuli Radzimu.
«Usie hetyja inicyjatyvy vyžyvajuć dziakujučy danatam, i časta takim raptoŭnym, jak moj», — adznačaje biznesmien i nahadvaje, što ŭ biełarusaŭ, jakija žyvuć u Polščy i Litvie, jość mahčymaść padtrymlivać biełaruskija inicyjatyvy całkam biaśpiečna i navat nie zapłaciŭšy za heta ni kapiejki.
Kali vy płacicie padatki ŭ Litvie ci Polščy, to 1,2—1,5% užo apłačanaha padachodnaha padatku za minuły hod možna pieraraźmierkavać na karyść biełaruskich arhanizacyj.
«Prostaja matematyka — 4000 biełaruskich ajcišnikaŭ zapłacili letaś u Litvie kala 100 miljonaŭ jeŭra padatkaŭ. To-bok my možam nakiroŭvać bolš za 1 miljon jeŭra štohod na biełaruskija prajekty. A kali ŭsie 50 000 biełarusaŭ z DNŽ u Litvie zrabili b toje ž — suma była b u razy bolšaj», — piša Kuŭšynaŭ.
A «Naša Niva» padrychtavała padrabiaznyja hajdy, jak heta praktyčna ździejśnić jak u Polščy, i ŭ Litvie.
Jak padać padatkovuju dekłaracyju ŭ Polščy ci Litvie i padtrymać «Našu Nivu»
Pieraličycie 1,5% padachodnaha na biełaruskuju spravu. Inakš dziaržava skarystaje tyja hrošy sama
Vy ŭ Polščy? Značyć, lohka možacie padtrymać «Našu Nivu» padachodnym padatkam, nie patraciŭšy svaich hrošaj. Voś jak
Kali vy ŭ Litvie, to možacie za chvilinu padtrymać «Našu Nivu» padachodnym padatkam, nie patraciŭšy svaich hrošaj. Voś jak
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9
Kamientary
Uładkuj lepš našych ludziej u siabie, kab na panelach nie stajali i nie pabiralisia praz tyja Frydam Haŭsy. Navučy, daj mahčymaść, pastaŭ choć naminalny zarobak - ludzi i padatak potym svaim adściahnuć, i buduć z udziačnaściu pachać, i nie buduć žabračyć.
Išoŭ piaty hod "zmahańnia"!