Zialenski: Kijeŭ hatovy padpisać pahadnieńnie z ZŠA ab redkaziamielnych mietałach
Kijeŭ hatovy padpisać pahadnieńnie z ZŠA ab redkaziamielnych mietałach. Pra heta zajaviŭ Uładzimir Zialenski, ale dadaŭ, što praciahvaje zaklikać ZŠA da harantyj biaśpieki, piša Bi-bi-si.
«Spynieńnie ahniu biez harantyj biaśpieki niebiaśpiečna dla Ukrainy», — napisaŭ jon.
Na dumku Zialenskaha, prezident ZŠA Donald Tramp choča pakłaści kaniec vajnie, «ale nichto nie choča miru bolš, čym my».
«Spynieńnie ahniu nie spracuje z Pucinym. Za apošnija dziesiać hadoŭ jon parušyŭ spynieńnie ahniu 25 razoŭ. Adziny vychad — sapraŭdny mir», — skazaŭ Zialenski.
Ukrainski prezident taksama adznačaje, što «nie moža źmianić pazicyju Ukrainy adnosna Rasii».
«Ruskija zabivajuć nas. Rasija — vorah, i heta realnaść, ź jakoj my sutykajemsia. Ukraina choča miru, ale heta pavinien być spraviadlivy i tryvały mir. Dla hetaha nam treba być mocnymi za stałom pieramoŭ».
Kamientary