Jamu było 50 hadoŭ.
Hrodzienski aŭtahonščyk Alaksiej Asmałoŭski, udzielnik šmatlikich rali-rejdaŭ, pazadarožnych spabornictvaŭ i aŭtafiestyvalaŭ, pamior 22 lutaha ŭ Varšavie, paviedamlaje «Aŭtahrodna».
Pra jaho śmierć paviedamiŭ blizki siabar: «Alaksiej adčuŭ niedamahańnie 4 studzienia, skardziŭsia na kamiak u horle. Jaho terminova špitalizavali, vyśvietliłasia, što ŭźnikli surjoznyja prablemy z aortaj. Užo praź niekalki hadzin jon apynuŭsia na apieracyjnym stale ŭ varšaŭskim kardyjachirurhičnym centry. Apieracyja doŭžyłasia piać hadzin, prahnozy byli piesimistyčnyja, ale Alaksiej zdoleŭ adnavicca, uśmichaŭsia, razmaŭlaŭ. Adnak paźniej u jaho raźviłasia infiekcyja i pačaŭsia sepsis. Amal dva miesiacy jon zmahaŭsia, ale 22 lutaha jaho nie stała».
Asmałoŭskamu było 50 hadoŭ. Apošnija dva hady jon žyŭ u Varšavie. Siabry ŭzhadvajuć, što jon maryŭ znoŭ udzielničać u spabornictvach, ale nie paśpieŭ realizavać zadumanaje.
Asablivaj haračaj straściu Alaksieja byŭ jaho jarka-aranžavy bahi TRUCK, sabrany ŭ ZŠA. Hety pazadarožnik moh razhaniacca da 150 km/h pa biezdarožžy.
Raźvitacca z Alaksiejem Asmałoŭskim možna siońnia, 1 sakavika ŭ Hrodnie: 11:30—12:30 — raźvitalny dom na praśpiekcie Kasmanaŭtaŭ, 13:00 — słužba ŭ Sabory Usich Śviatych (pobač z TRK «Trynici»), 14:00 — pachavańnie na mohiłkach u Aulsie.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary