Prakuratura pakazała interjery kałonii, u jakoj trymajuć Alesia Bialackaha
Prakuratura dała spravazdaču pra pracoŭnuju pajezdku prakurora Mahiloŭskaj vobłaści Valeryja Kulikoviča ŭ Horacki rajon, dzie jon «vyvučyŭ umovy adbyćcia pakarańnia ŭ PK №9». Heta kałonija, dzie znachodzicca palitviazień, pravaabaronca i nobieleŭski łaŭreat Aleś Bialacki.
Pavodle pres-słužby, prakuror pravioŭ u kałonii asabisty pryjom — da jaho źviarnulisia try asudžanyja. Pytańni tyčylisia prymianieńnia lipieńskaj amnistyi 2024 hoda «ŭ suviazi z 80-hodździem vyzvaleńnia Biełarusi ad niamiecka-fašysckich zachopnikaŭ». Prakuror vobłaści «rastłumačyŭ im adsutnaść padstaŭ dla prymianieńnia amnistyi».
Akramia taho, piša pres-słužba, Valeryj Kulikovič aznajomiŭsia z umovami adbyćcia pakarańnia ŭ kałonii, arhanizacyjaj charčavańnia, bytavym i miedycynskim zabieśpiačeńniem asudžanych.
Prakuratura apublikavała dva zdymki, na jakich možna pabačyć interjery pamiaškańniaŭ kałonii, dzie adbyvaje pakarańnie palitviazień Aleś Bialacki.
Aleś Bialacki — kiraŭnik i zasnavalnik Pravaabarončaha centra «Viasna». Byŭ zatrymany 14 lipienia 2021 hoda. Vystaŭlenyja abvinavačvańni: art. 228 Kryminalnaha kodeksa — kantrabanda; č. 2 art. 342 KK — finansavańnie hrupavych dziejańniaŭ, jakija hruba parušajuć hramadski paradak.
3 sakavika 2023 hoda ŭ sudzie Leninskaha rajona Minska sudździa Maryna Zapaśnik pryznačyła Bialackamu 10 hadoŭ kałonii va ŭmovach uzmocnienaha režymu.
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahady, to sioleta — ničoha
-
Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary