Viačorka: Ni pryznačeńnie Dzikavickaha, ni pryznačeńnie Koŭšyk z nami nie ŭzhadniałasia
Daradca Cichanoŭskaj Franak Viačorka prakamientavaŭ intervju byłych žurnalistaŭ «Biełsata» Ihara Kuleja i Siarhieja Padsasonnaha. Pa ich słovach, Ofis Cichanoŭskaj za śpinami žurnalistaŭ vyrašaŭ z polskimi palitykami, chto budzie kiravać telekanałam, i zrabiŭ niedastatkova, kab adstajać intaresy «Biełsata».
Viačorka kaža, što ŭvieś hety čas jany kaardynavalisia ź Iharam Kulejem i Alaksiejem Dzikavickim (jak ź mieniedžarami «Biełsata») u spravie abarony kanała, pieradavali ich prośby palitykam.
«Nam było važna zachavańnie «Biełsata» jak brendu i zachavańnie kamandy. I «Biełsat» byŭ zachavany. Hetyja punkty my adstojvali», — piša Franak.
U samym pačatku kryzisu Ofis Cichanoŭskaj sapraŭdy z dapamohaj arhanizacyj biełaruskaj miedyjnaj supolnaści padrychtavaŭ śpis miedyjamieniedžaraŭ z 15 čałaviek — tych, chto moh by kiravać kanałam. U jaho ŭvachodzili redaktary vialikich biełaruskich vydańniaŭ, a taksama pradstaŭniki «Biełsata», u tym liku Dzikavicki i Kulej, zaŭvažaje Viačorka.
U intervju Kuleja i Padsasonnaha kazałasia, što Cichanoŭskaja nie stała padpisvać kalektyŭny list u abaronu kanała. Viačorka adkazvaje na heta:
«Była sprečnaja inicyjatyva z kalektyŭnym listom — i pa časie, i pa źmieście, i pa tym, jak jon byŭ arhanizavany i napisany. My trymali dystancyju, bo jakraz heta vyhladała b jak umiašalnictva nibyta my im niešta dyktujem».
«Treba razumieć, što «Biełsat» jurydyčna — heta častka Polskaha hramadskaha telebačańnia. U ich dziejničajuć unutranyja praviły i rasparadki. Reforma «Biełsata» była častkaj ahulnaj reformy TVP», — piša daradca Cichanoŭskaj.
Jon dadaje, što ni pryznačeńnie Dzikavickaha, ni pryznačeńnie Koŭšyk ź imi nie ŭzhadniałasia.
«U intervju Ihar raspaviadaje čutki, maŭlaŭ, usio tamu, što Ofisu nie padabałasia, što «Biełsat» byŭ zanadta niezaležny. Ale «Biełsat» zaŭsiody byŭ vielmi pryjazny i pazityŭna aśviatlaŭ pracu Ofisu. I Ihar, i Siarhiej, i Alaksiej, i ŭvieś «Biełsat» byli vielmi pryjaznymi da našaj pracy. Tamu łohika niezrazumiełaja. A što zadavali niazručnyja pytańni — heta narmalna i ŭsie ich zadajuć. Heta praca žurnalistaŭ», — davodzić svaju pazicyju Viačorka.
Jon dadaje, što Cichanoŭskaja nie chacieła adpuskać Alinu Koŭšyk z Abjadnanaha pierachodnaha kabinieta (dzie jana była pradstaŭnicaj pa nacyjanalnym adradžeńni), bo jana zakryvała klučavy napramak pracy tam.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
A ničoha, što ŚMI takimi čynam stanovicca zaležnym ad ofisa?
Ź intervju redakcyi reform:
Ihar Kulej: Usie reahavali pa-roznamu. Było vielmi šmat haračych hałovaŭ, jakija kazali, što treba strajkavać, vychodzić pad MZS, spyniać pracu… Dla dziejnaj polskaj ułady imidžava heta b vyhladała nie vielmi dobra, bo palaki ŭ cełym simpatyzujuć biełarusam, jakija zmahajucca z Łukašenkam, i čornaja zastaŭka zamiest efira «Biełsata» mała kamu b spadabałasia. Ni Skorski, ni Tusk na hetym palityčnych bałaŭ by nie nabrali. My pačali pieramovy, sprabujučy paŭpłyvać na tych, chto prymaje rašeńni, a heta try hrupy — ułady TVP, Cikorski i MZS i polski ŭrad.
Sam nie pajšoŭ na dziejańni, a ad ofisu patrabavaŭ.
Ale ŭ vyniku dziejańni ofisu Cichanoŭskaj akazalisia najbolš dalnabačny dla intaresaŭ Biełarusi. Zachavali Biełsat. I adnosiny z polskimi ŭładami. A mienavita Sikorski na Miunchienskaj kanfierencyi pradstaviŭ Cichanoŭskuju Kitu Kiełahu - pieramoŭščyku Trampa pa Ukrainie.