Vajna22

Ukraincy pravodziać paśpiachovyja kontrataki na Pakroŭskim napramku

«Pieramoha USU ŭ hetaj bitvie nie abrynie front i nie źmienić trajektoryju bajavych dziejańniaŭ, ale apieratyŭna-taktyčny pośpiech padymie nastroj sajuźnikam i ŭzmacnić pieramoŭnyja pazicyi Kijeva» — pišuć rasijskija vajenkary.

Krynica: pandoras_box_ua / telegram

U apošnija dni ŭkrainskija siły pačali łakalnyja kontrataki pa ŭsioj linii frontu. Pa infarmacyi rasijskich vajskovych ekśpiertaŭ, vielmi składanaj vyhladaje situacyja na Pakroŭskim napramku, dzie raniej u vyniku paśpiachovaha nastupleńnia rasijskich vojskaŭ utvaryŭsia istotny vystup u rajonie Piasčanaha.

Ukrainskaje kamandavańnie ŭ apošnija dni atakuje rasijskija pazicyi kala hetaha nasielenaha punkta i maje taktyčnyja pośpiechi. Dla rasijskaha boku strata hetaha nasielenaha punkta budzie vielmi balučaj, pakolki pad pahrozaj akažacca stanovišča rasijskich padraździaleńniaŭ u rajonie Kotlina i Udačnaha.

Tielehram-kanał Z-prapahandysta Juryja Padalaki paviedamlaje, što na Pakroŭskim napramku «sustrečny boj nabiraje abaroty». USU kožny dzień «kidaje hrupy na brani» ŭ rajon Piasčanaha, strata jakoha «budzie vialikaj strataj».

«Miž tym, u rajonie Kotlina našy čaści adyšli z apornikaŭ na poŭnač i na ŭschod ad siała, zasiarodziŭšysia na abaronie ŭłasna nasielenaha punkta», — dadaje Padalaka.

«Na žal, pa Piasčanym paćviardžajecca. Ja spadziavaŭsia, što heta minułaja ataka była, pytaŭsia ŭ chłopcaŭ jašče ŭčora ranicaj, na toj momant papiaredniaja kontrataka była adbitaja. Ale čakali nakatu. Chachły znoŭ papierli. Tam zaraz usio ŭpieramiešku, zamies kankretny, i pišuć — chachłoŭ dach**[vielmi šmat]», — dzielicca inšy Z-vajenkar.

«Pieramoha USU ŭ hetaj bitvie nie abrynie front i nie źmienić trajektoryju bajavych dziejańniaŭ, ale apieratyŭna-taktyčny pośpiech padymie nastroj sajuźnikam i ŭzmacnić pieramoŭnyja pazicyi Kijeva», — piša inšy rasijski pablik.

Paralelna USU prajaŭlajuć pavyšanuju aktyŭnaść u rajonie nasielenaha punkta Dačenskaje. Rasijskija vajenkary miarkujuć, što USU ŭ najbližejšyja dni pasprabuje źmianić situacyju na fłanhach Pakroŭska na svaju karyść, adkinuŭšy rasijskija vojski.

«Mahčyma, kamandavańnie USU pasprabuje ŭkłaści ŭsiu siłu svajho kontrudara pa paŭnočnaj častcy «pakroŭskaj duhi», — prahnazuje Padalaka.

U toj ža čas pres-sakratar apieratyŭna-stratehičnaj hrupoŭki vojskaŭ «Chorcickaja» major Viktar Trahubaŭ vielmi aściarožny ŭ acenkach: «Tak, na Pakroŭskim napramku jość prykłady paśpiachovych kontratak. Tak, tam jość prykłady asobnych sprob začapicca za tyja ci inšyja nasielenyja punkty. I tak: tam jość pastajanny boj, tamu kazać pra toje, što tam niešta stabilnaje… A praź niekalki hadzin usio źmienicca. Tamu my havorym: iduć bai. My tut aściarožnyja».

Kamientary2

  • Žyvie Biełaruś!
    11.02.2025
    Słava Vajaram ZSU!
  • Śviatło
    12.02.2025
    Boža, błasłavi vajaroŭ ZSU

Ciapier čytajuć

U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii2

U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii

Usie naviny →
Usie naviny

Mierc: Mahčymaściaŭ dla dypłamatyčnaha ŭrehulavańnia va Ukrainie bolš niama2

U Homieli mužčyna parezaŭ sabie šyju na prypynku, sam nie viedajučy navošta

ZŠA pavialičać zakup rakiet dla «Petryjat» u 4 razy

Vučonyja: 75% vypadkaŭ raku straŭnika možna praduchilić z dapamohaj prostaha lekavańnia4

Bankaŭski pracesinhavy centr vyznačyŭ novy dedłajn dla viartańnia hrošaj na kartki. Dva ŭžo pravalenyja4

Abjadnany pierachodny kabiniet pryznali ŭ Biełarusi «terarystyčnaj arhanizacyjaj»5

Vajar ź Biełaruskaha dobraachvotnickaha korpusa: Ja žyŭ u ružovaj burbałcy14

Aryštavali čynoŭnicu ź Minzdaroŭja — vykryli schiemu nielehalnaj pastaŭki lekaŭ u Biełaruś5

U Minsku mužčyna parvaŭ pašpart byłoj žonki, kab nie pakidać joj svajo proźvišča1

bolš čytanych navin
bolš łajkanych navin

U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii2

U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii

Hałoŭnaje
Usie naviny →

Zaŭvaha:

 

 

 

 

Zakryć Paviedamić