Adnapartyjcy sprabavali adhavaryć Šolca ad vyłučeńnia na pasadu kanclera
Kiraŭnictva sacyjał-demakrataŭ baicca prajhrać vybary.
U SDPH naśpiavaje baraćba za lidarstva: kiraŭniki partyi, jak vyśvietliłasia, sprabavali pierakanać fiederalnaha kanclera Ołafa Šolca admovicca ad paŭtornaha vyłučeńnia na hetuju pasadu, piša Bild.
Tak, lidar SDPH Łars Klinhbajl nie raz asabista prapanoŭvaŭ Šolcu nie bałatavacca znoŭ, spasyłajučysia na aściarohi, što budučyja vybary 23 lutaha mohuć skončycca nie na karyść partyi.
Taksama ŭ kiraŭnictvie partyi abmiarkoŭvaŭsia inšy kandydat — ministr abarony Barys Pistoryus. Adnak jon sam 22 listapada minułaha hoda zajaviŭ, što admaŭlajecca ad udziełu ŭ vybarach, patłumačyŭšy heta svajoj «suvierennaj, asabistaj i absalutna ŭłasnaj» pazicyjaj.
«Šolc — mocny kancler. I jon zastajecca pravilnym kandydatam u kanclery», — adznačyŭ Pistoryus u svaim videazvarocie.
Niahledziačy na ŭnutranyja abmierkavańni, Šolc sam zajaviŭ, što rašeńnie stać kandydatam u kanclery dałosia nialohka, ale jon «zastaŭsia pry svaim mierkavańni».
Łars Klinhbajl spačatku nie kamientavaŭ situacyju, adnak zatym jaho pres-sakratar zajaviŭ, što «abviarhaje hetaje paviedamleńnie». Pry hetym niezrazumieła, da jakoj častki materyjału adnosicca abviaržeńnie.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu61
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary