Łatuška pra vybary: Za mianie pastaŭcie i za tych, chto byŭ vymušany źjechać
Namieśnik kiraŭnika Abjadnanaha pierachodnaha kabinieta i kiraŭnik Narodnaha antykryzisnaha ŭpraŭleńnia źviarnuŭsia da biełarusaŭ napiaredadni «vybaraŭ», pryznačanych na 26 studzienia.
«Mnohija z vas nie prymajuć taho, što adbyvajecca ŭ našaj krainie. Mnohija z vas u 2020 hodzie hałasavali za pieramieny, vychodzili na mirnyja akcyi pratestu. U vas była nadzieja. Ale Łukašenka samym cyničnym čynam skraŭ hetuju nadzieju. Ja viedaju, što ciapier vy vymušany maŭčać, ale nie tamu, što vy źmirylisia abo pahadzilisia z tym, što adbyvajecca. Vy maŭčycie dziela svabody i biaśpieki svaich dziaciej i baćkoŭ. Ale ja viedaju, što vy pa-raniejšamu vierycie ŭ lepšaje, spadziajeciesia na źmieny ŭ našaj krainie», — napisaŭ jon.
Pavieł Łatuška zaznačaje, što ludzi bačać, jak niekatorych ź ich kaleh zvolnili za ich mierkavańnie, za ich hramadzianskuju pazicyju, chtości ŭžo źjechaŭ ź Biełarusi abo źbirajecca.
«Vy bačycie, jak ustanovy, u jakich vy pracujecie, napoŭnili ideałahičnaj mišuroj: pravodziać ideałahičnyja schody, lekcyi i inšuju biessensoŭnuju dziejnaść. Vy vymušany ŭdzielničać u hetaj łuchcie dziela ptušački, choć u dušy, viadoma, nie prymajecie ŭsiaho hetaha», — zaznačaje jon i kanstatuje, što raźličvać na štości bolšaje prosta niemahčyma.
«Ale ja viedaju, što ŭ vas jość svajo mierkavańnie. Ja viedaju, što vy nie zhodnyja z tym, što robić Łukašenka z našaj krainaj. I prapanuju biaśpiečna vykazać svoj pratest — pastavić znak u hrafie suprać usich! I vialikaja prośba: zrabicie heta i za mianie. I za tych, chto apynuŭsia pa-za miežami našaj Biełarusi. My z vami!» — rekamienduje palityk.
Kamientary
Usie na vybary! Ura!