Raman Zajcaŭ, syn Alaksandra Zajcava, jakoha nazyvajuć kašalkom Łukašenki, zaniaŭsia ŭ Biełarusi aŭtabiznesam. Jamu naležyć 50% kampanii «Łakšery Motars hrup». Heta aficyjny pradstaŭnik i ekskluziŭny dystrybjutar kitajskaha brenda Shineray u Biełarusi, pišuć rasśledavalniki «Biuro».
Arhanizacyja zarehistravanaja ŭ minskim biznes-centry «Niamiha-sici», dzie jakraz raźmiaščajucca ofisy kampanij, źviazanych z praŭładnymi biznesmienami Alaksandram Zajcavym, Alaksiejem Aleksinym i Mikałajem Varabjom.
«Łakšery Motars hrup» taksama vałodajuć Pavieł Sadoŭnikaŭ (40%) i Alaksandr Hurski (10%). Sadoŭnikaŭ vałodaje kampanijaj «Łakšery Motars plus». Heta aficyjny dyler GEELY ŭ Biełarusi.
U vieraśni 2024 hoda Sadoŭnikaŭ raskazaŭ vydańniu myfin.by pra toje, što kampanija zapuskaje sieryjnuju zborku Shineray u Biełarusi.
«Na siońnia puskanaładačnaja partyja ŭžo sabranaja, zavieršany praces siertyfikacyi, my atrymali vielmi važny dla nas dakumient, jaki paćviardžaje biełaruskuju vytvorčaść, — «siertyfikat ułasnaj vytvorčaści», — kazaŭ jon.
Mašyny źbirajucca na zavodzie «Junison», jaki da hetaha zajmaŭsia zborkaj iranskich aŭtamabilaŭ Samand u Biełarusi.
Rašeńnie źbirać aŭtamabili źviazanaje z «peŭnymi prefierencyjami», jakija daje dziaržava dla biełaruskaj zborki i jakija adabjucca na kaniečnym košcie aŭtamabila.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary