Łatuška nazvaŭ svaju samuju vialikuju parazu na pasadzie ministra kultury
«Pasłali nie tolki ministra kultury, ale jašče i dvuch vice-premjeraŭ».
Pavieł Łatuška ŭ efiry jutub-prahramy «Obyčnoje utro» zaŭvažyŭ, što Łukašenka nikoli nie razumieŭ važnaść achovy historyka-kulturnaj spadčyny. A svajoj samaj vialikaj parazaj były ministr kultury ličyć znos pieršaj haradskoj elektrastancyi ŭ Minsku kala Parka Horkaha.
«Kolki za jaje było vajny. Ja liču svajoj samaj vialikaj parazaj, što mnie nie atrymałasia jaje adstajać. (…) Chacia [biznesmien Juryj] Čyž i abiacaŭ adnavić fasad jaje. Śpiecyjalna byŭ vyrazany ŭvieś fasad, razrezany na kvadraty. Jaho źvieźli na skład. I jon [Čyž] abiacaŭ, što heta adnović.
Sidorski tudy pryjazdžaŭ, kazaŭ: «Što vy mnie tut raskazvajecie, što heta za pomnik historyi i kultury?»
Ja kažu: «Siarhiej Siarhiejevič, heta ž hotyka!» — «Jakaja, *** hotyka?!»
Łatuška zaŭvažaje, što ŭ svoj čas jon z dvuma vice-premjerami sprabavaŭ adstajać budynak elektrastancyi ŭ premjer-ministra Siarhieja Sidorskaha, ale jon ich vyhnaŭ z kabinieta.
«Prosta na try litary vystaviŭ. Ja vyjšaŭ na kalidor kala kabinieta premjera i kažu: «Vy viedajecie, kalehi, što adno mianie paradavała paśla sustrečy z premjer-ministram? Čto nach** pasłali nie tolki ministra kultury, ale jašče i dvuch vice-premjeraŭ».
Nahadajem, što ŭ sakaviku 2011 hoda budynak pieršaj haradskoj elektrastancyi ŭ Minsku byŭ całkam zrujnavany dziela pabudovy na hetym miescy administracyjnaha budynka, jaki pieršapačatkova zajavili jak hatel «Kiempinski». U vyniku budoŭla zaciahnułasia, ad hatela admovilisia, a budynak vykupiŭ Źbier Bank pad ofisy.
Raboty pa adnaŭleńni fasada byli zavieršany ŭ kancy 2022 hoda. Toje, jak realizavali prajekt, vyklikała nieadnaznačnuju acenku śpiecyjalistaŭ u halinie achovy spadčyny.
«Mahli b prosta namalavać na płocie, pryčym va Uruččy». Ci mieła sens adnaŭleńnie fasada źniščanaj Čyžom elektrastancyi?
Architektar Vadzim Hlińnik: Minsk stračvaje svajo histaryčnaje abličča
«Zamiatalin napiŭsia na «Biełaruśfilmie» i pačaŭ stralać ź pistaleta». Łatuška raskazaŭ, jak zmoh zvolnić ideołaha
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary