«Kiraŭnictva BNF abiacała kožnamu ŭdzielniku pa adnoj sasiscy». Što pišuć u mietadyčkach dla ideołahaŭ
Biełarusy zaŭvažyli na stendach u niekatorych dziaržustanovach staronki ź mietadyčki dla ideołahaŭ. Ich aŭtary pierakonvajuć, «ź jakoha niezajzdrosnaha «startavaha materyjału» ŭdałosia pabudavać niezaležnuju i suvierennuju krainu, nakiravanuju ŭ budučyniu», piša «Salidarnaść».
U dziaržustanovach zaŭvažyli ahitki z fejkami pra BNF i «mocnaha lidara» ŭ asobie Łukašenki.
Miarkujučy pa «šapcy» dakumienta, materyjały byli padrychtavany jašče da leta 2024 hoda, kab «usienarodna» adznačyć 30-hadovaje praŭleńnie Alaksandra Łukašenki, ale całkam mohuć być vykarystany i ŭ biahučaj elektaralnaj kampanii.
U tekście sabranyja cytaty Łukašenki, strašyłki pra «lichija 90-ja» i adkrytyja fejki.
Naprykład, śćviardžajecca, što kiraŭnictva Biełaruskaha narodnaha frontu ŭ lutym 1994 hoda sklikała ludziej na mitynh u Minsku, abiacajučy kožnamu ŭdzielniku «pa adnoj sasiscy».
Zrazumieła, nijakich dokazaŭ nie pryvodzicca, ale aŭtary śćviardžajuć, što «achvočych atrymać biaspłatnaje karmleńnie («frantavy» pajok) akazałasia šmat…»
Nie dziŭna, što składalniki mietadyčki, jakija ŭschvalajuć «mocnaha lidara», žyvapisujučy situacyju ŭ 1990-ch, zabyvajuć pra značna bolš śviežyja prablemy ŭ ekanomicy krainy, jakija nie raz uźnikali jakraz z-za kamandna-płanavaha stylu kiravańnia Łukašenki.
Čaho kaštujuć chacia b kryłatyja frazy «Tolki ja ŭziaŭsia za jajki, jak adrazu masła prapała» i «Da Novaha hoda va ŭsich biełarusaŭ na stale buduć narmalnyja čałaviečyja jajki», praduktovy deficyt 1998-ha, try denaminacyi — siarod byłych postsavieckich krain heta absalutny antyrekord, «maršy niedarmajedaŭ» u 2017-m… Śpis «dasiahnieńniaŭ» Łukašenki ŭ ekanomicy, jaki pryvioŭ da jaje tatalnaj zaležnaści ad Rasii, možna praciahvać doŭha.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Front zrabiú nievierahodnaje - jon adradziú Niezaležnaść .