Jeŭrapiejskaja kamisija pačała aficyjnaje raźbiralnictva ŭ dačynieńni da servisu TikTok u suviazi z mahčymymi parušeńniami Zakona «Ab ličbavych pasłuhach». Telekanał «Jeŭrańjus» źviazvaje pačatak razboru z atrymańniem dokazaŭ umiašańnia Rasii ŭ vybary ŭ Rumynii.
Jeŭrapiejskaja kamisija źbiraje danyja, kab vyznačyć, ci parušyŭ TikTok zakanadaŭstva ES, piša Radyjo Svaboda.
Na prezidenckich vybarach u Rumynii 24 listapada niečakanuju pieramohu ŭ pieršym tury atrymaŭ Kelin Džardžesku, niezaležny nacyjanalist i jeŭraskieptyk, jaki raniej byŭ mała viadomy hramadskaści. Vybary byli anulavanyja paśla taho, jak Kanstytucyjny sud atrymaŭ dokazy ŭmiašańnia Rasii ŭ praces hałasavańnia, u pryvatnaści na sajcie TikTok. Dokazy byli pradastaŭleny rumynskimi śpiecsłužbami.
Kali dziejańni kampanii TikTok buduć pryznanyja nie adpaviednymi zakanadaŭstvu ES, servisu pahražaje štraf u pamiery da 6% ad jaho hłabalnaj vyručki.
«Kožny raz, kali my padazrajem padobnaje ŭmiašańnie, asabliva padčas vybaraŭ, my pavinny dziejničać chutka i rašuča, — zajaviła staršynia Jeŭrapiejskaj kamisii Ursuła fon der Lajen. — Paśla surjoznych prykmiet taho, što zamiežnyja subjekty ŭmiešvalisia ŭ prezidenckija vybary ŭ Rumynii z dapamohaj TikTok, my ciapier staranna rasśledujem, ci nie parušyła kampanija TikTok Zakon Ab ličbavych pasłuhach, nie spraviŭšysia z padobnymi ryzykami».
Rekłama kantentu pra Džardžesku raspaŭsiudžvałasia na TikTok, što, pa vyznačeńni kamisii, źjaŭlajecca niearhaničnaj źjavaj [dla servisu]. Śpiecyjalisty kamisii ličać, što takuju rekłamu mahli prasoŭvać boty i padroblenyja akaŭnty.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary