Prezident Brazilii ŭpaŭ u svajoj rezidencyi i stuknuŭsia hałavoj. Praz heta jon admianiŭ pajezdku na samit BRIKS
Prezident Brazilii Łuis Inasia Łuła da Siłva admianiŭ pajezdku na samit BRIKS u Kazani pa paradzie daktaroŭ. Samit adbudziecca 22-24 kastryčnika, prezident Brazilii voźmie ŭdzieł u im pa videasuviazi.
Aparat prezidenta Brazilii paviedamiŭ, što zdaryłasia.
Łuła pavinien byŭ vylecieć na samit užo ŭ druhoj pałovie dnia pa miascovym časie ŭ niadzielu. Ale jon upaŭ u svajoj rezidencyi i paškodziŭ hałavu ŭ vobłaści patylicy. Jaho ahledzieli daktary ŭ balnicy, jakija vyrašyli nie špitalizavać prezidenta, piša Bi-bi-si.
U daviedcy z balnicy skazana, što 78-hadovy prezident moža vykonvać svaje abaviazki, ale ad dalokich avijapieralotaŭ jamu rekamiendujecca časova admovicca.
Samit BRIKS pavinien byŭ stać samaj pradstaŭničaj mižnarodnaj sustrečaj u Rasii z času jaje napadu na Ukrainu. Rasija pradstaŭlaje svoj udzieł u BRIKS jak arhumient na karyść taho, što zachodnija namahańni, nakiravanyja na jaje dypłamatyčnuju izalacyju, pravalilisia. Prezident Brazilii viadomy svaim strymanym staŭleńniem u vajennaj padtrymcy Ukrainy.
Pry hetym sam Uładzimir Pucin dva dni tamu paćvierdziŭ, što nie pajedzie na samit G20, jaki projdzie ŭ listapadzie ŭ Brazilii. Brazilija źjaŭlajecca čalcom Mižnarodnaha kryminalnaha suda, jaki vydaŭ order na aryšt Pucina, adnak rasijski prezident pierakonvaje, što heta nie było pryčynaj jahonaj pastanovy.
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy5
Kamientary