Zbornaja Biełarusi znachodzicca ŭ čaćviertym košyku na losavańnie adboru na čempijanat śvietu — 2026
Losavańnie projdzie praz dva miesiacy, 13 śniežnia.
Zbornaja Biełarusi pa futbole pakul znachodzicca ŭ pieradapošnim čaćviortym košyku dla losavańnia kvalifikacyi da ČS-2026 dla jeŭrapiejskich kamand, jakoje adbudziecca 13 śniežnia 2024 hoda.
54 zbornyja buduć raźmierkavany na 12 hrup pa 4-5 kamand. Kamanda Karłasa Ałosa, mahčyma, trapić u 4-y košyk.
Padčas kvalifikacyi budzie vyznačana 16 jeŭrapiejskich zbornych, jakija stanuć udzielnikami mundyjalu. Pieramožcy hrup vychodziać aŭtamatyčna na mundyjal, a 12 kamand, što zojmuć druhija miescy» z čatyrma najlepšymi kamandami Lihi nacyj u turniry płej-of vyznačać jašče čatyroch ščaśliŭčykaŭ.
U pieršy košyk losavańnia trapiać 8 najlepšych kamand pa vynikach rozyhryšu Lihi Nacyj UEFA ŭ dyvizijonie A, a taksama 4 zbornyja, jakija na momant losavańnia buduć mieć najlepšy rejtynh FIFA.
Užo harantavali trapleńnie ŭ pieršy košyk padčas losavańnia: Francyja, Ispanija, Anhlija, Bielhija, Niderłandy, Partuhalija, Italija, Hiermanija. Jašče 4 zbornyja vyznačacca paśla zakančeńnia hrupavoha etapu Lihi Nacyj.
Zbornaja Biełarusi ŭ svajoj hrupie Lihi nacyj u kastryčniku zhulała dva matčy ŭničyju (Paŭnočnaja Irłandyja — 0:0, Luksiemburh — 1:1), a ŭ listapadzie zhulaje taksama z Paŭnočnaj Irłandyjaj i Bałharyjaj.
Zbornaja Biełarusi zajmaje ŭ hetym rejtynhu 39-y radok
Biełaruś zhulała ŭničyju ź Luksiemburham
Biełaruskaja futbolnaja «maładziožka» skončyła adboračny turnir da ČIE parazaj ad Farerskich astravoŭ
Biełaruski telekanał nabyŭ pravy na pakaz matčaŭ pad ehidaj UEFA
Hałoŭnaha treniera futbolnaj zbornaj Kazachstana aštrafavali za niepavahu da kazachskaj movy
Zorku suśvietnaha futboła padazrajuć u zhvałtavańni
Kamientary