14 kastryčnika paśla zaviaršeńnia pieršaha płanava-papieradžalnaha ramontu padklučyli da sietki druhi enierhabłok Biełaruskaj AES, paviedamlaje BiełTA. Ramont na hetym enierhabłoku išoŭ z 26 lipienia.
Paviedamlajecca, što ŭ chodzie ramontu praviedziena zamiena adpracavanaha jadziernaha paliva na śviežaje — u aktyŭnuju zonu reaktara zahružana kala 25% ciepłavydzialalnych zborak sa śviežym jadziernym palivam.
Akramia taho, u poŭnym abjomie vykanana techničnaje absłuhoŭvańnie paradku 12 tys. adzinak abstalavańnia. Praviedzieny ekspłuatacyjny kantrol mietału abstalavańnia i trubapravodaŭ AES, u tym liku kantrol mietału korpusa reaktara. Ahulnaja kolkaść abjektaŭ kantrolu skłała bolš za 20 tys., uklučajučy radyjohrafičny kantrol mietału 748 zvarnych złučeńniaŭ.
Dla ramontnaj kampanii było vykarystana bolš za 26 tys. adzinak zapasnych častak, instrumientaŭ i pryład (ZIP).
Ramont rabiŭsia siłami ramontnaha piersanału Biełaruskaj AES, a taksama pryciahnutaha piersanału AAT «Biełenierharamnaładka», AT «Rusatam servis» i AT «Atambudekspart».
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj12
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary