U centry Minska za miljon dalaraŭ pradajuć adzin z samych modnych baraŭ 2010-ch
Na prodaž na placoŭcy Realt vystavili bar «Čierdak» u rajonie minskaj vulicy Zybickaj, jaki byŭ adnoj z samych modnych ustanoŭ 2010-ch hadoŭ. Za jaho prosiać ažno miljon dalaraŭ.
Bar «Čierdak» adkryŭsia ŭ kancy 2013 hoda. Tut zrabili kłasny minimalistyčny interjer, sučasnaje mieniu, dadali aktualnaj muzyki — i atrymali adzin sa znakavych prajektaŭ Minska 2010-ch hadoŭ. Bar byŭ vielmi papularnym.
Paźniej da asnoŭnaha pamiaškańnia bara dadałosia jašče adno pad svajoj nazvaj «Kryša». Heta zakrytaja terasa, plus stoliki na dvary.
Ale ŭ pačatku 2023 hoda pamiaškańnie «Čierdaka» vyrašyli zdavać u arendu. Ciapier bar pracuje, ale pradajecca.
«Čierdak» addajuć z aŭtarskaj meblaj i elemientami dyzajnu, z prafiesijnym abstalavańniem dla bara i kuchni, hukavoj i dydžejskaj aparaturaj, prajektaram.
Akramia taho, na terytoryi bara jość skład dla zachoŭvańnia praduktaŭ. Ahulnaja płošča ŭsiaho — 315 kvadrataŭ (205 — sam bar, 110 — terasa).
Za ŭsio heta prosiać miljon dalaraŭ.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary