«Bajsoł» źbiraje hrošy dla dziaciej palitviaźniaŭ pierad škołaj — jašče možna padtrymać
Słužba «Chutkaj humanitarnaj dapamohi» adkryła zbor dla dziaciej palitviaźniaŭ, kab dapamahčy im padrychtavacca da škoły i sadka.
Mnohija siemji palitviaźniaŭ adčuvajuć finansavyja ciažkaści: adzin abo aboje baćkoŭ znachodziacca ŭ źniavoleńni i nie mohuć zabiaśpiečvać svaich rodnych na voli. Niekatoryja siemji palitviaźniaŭ pa ich vyzvaleńni vyjechali za miažu i tam majuć ciažkaści z adaptacyjaj.
Na kožnaje dziciaci płanujuć sabrać pa 100 jeŭra.
Padtrymać zbor možna pa spasyłcy.
Tradycyjny zbor srodkaŭ dla dziaciej palitviaźniaŭ arhanizavany Słužbaj «Chutkaj humanitarnaj dapamohi», u jakuju ŭvachodziać fondy «Bajsoł» i «Kraina dla žyćcia», hramadskaja kampanija «Bajchełp» i inicyjatyva Dissidentby, a taksama partniory — Asacyjacyja biełaruskaha biznesu za miažoj i Asacyjacyja biełarusaŭ Amieryki.
Kali vam treba dapamoha na zbor dzicia ŭ škołu, to pa jaje jašče možna źviarnucca. Takaja mahčymaść praduhledžana dla členaŭ siemjaŭ palitviaźniaŭ, u jakich jość dzieci daškolnaha ŭzrostu, školniki 1-11 kłasaŭ, a chtości z baćkoŭ (abo aboje) znachodziacca abo znachodzilisia ŭ źniavoleńni.
Kab atrymać dapamohu, treba zapoŭnić zajaŭku da 31 žniŭnia 2024 hoda. Kali vy chvalujeciesia za vašuju biaśpieku, to možacie źviarnucca ŭ lubuju z arhanizacyj «Słužby chutkaj humanitarnaj dapamohi» praz Telegram.
Pa vynikach papiaredniaha «Dziciačaha zboru», u rasparadžeńni słužby «Chutkaj humanitarnaj dapamohi» zastałosia 6842 jeŭra. Hetyja hrošy skiravali na ciapierašniuju akcyju.
Kamientary
Kolki zadanaciŭ Stryžak sa svajho zarobku ŭ 3000 jeŭra?
Paplečnica Cichanoŭskaj Maroz z Tesły paru sotak choć kinuła dla dziaciej?