Transpartnyja srodki ź biełaruskimi numarami nie zmohuć zajazdžać i ŭ Estoniju
Praz pamiežnyja punkty Estonii transpartnyja srodki ź biełaruskimi numarami taksama nie zmohuć zajazdžać u hetu krainu, niezaležna ad pryčyn znachodžańnia ŭładalnika abo karystalnika ŭ Estonii ci Jeŭrasajuza, paviedamlaje postimees.ee.
Ministr zamiežnych spraŭ Marhus Cachkna zajaviŭ, što zabarona na ŭjezd u ES transpartnych srodkaŭ ź biełaruskimi numarami źjaŭlajecca pravamiernaj, pakolki biełaruski režym niepasredna dapamahaje ažyćciaŭlać i padtrymlivaje rasijskuju ahresiju va Ukrainie.
«Sumiesnaje ŭžyvańnie abmiežavańniaŭ bolš efiektyŭnaje i dazvalaje pavysić košt sadziejničańnia ahresii dla režymu Biełarusi, a taksama praduchilić abychod sankcyj, nakładzienych na Rasiju», — zajaviŭ Cachkna, zapeŭniŭšy, što niahledziačy na zabaronu, Estonija praciahnie padtrymlivać tych hramadzian Biełarusi, jakija vymušanyja pakinuć krainu praz represii.
Zhodna z Zakonam ab darožnym ruchu Estonii, transpartny srodak ź biełaruskimi numarami ŭ Estonii pavinien być pierarehistravany ŭ termin ad piaci dzion da 12 miesiacaŭ, u zaležnaści ad situacyi. Akramia taho, transpartny srodak pavinien być zadekłaravany na mytni nie paźniej, čym na praciahu šaści miesiacaŭ, i nieabchodna vypłacić padatki na impart abo padać zajaŭku na vyzvaleńnie ad padatkaŭ.
Kali transpartny srodak nie budzie pierarehistravany va ŭstanoŭleny termin, jon budzie vyviedzieny z ekspłuatacyi, a ŭładalnik transpartnaha srodku aštrafavany. Transpartny srodak moža viarnucca na darohu, kali jon budzie adpaviadać patrabavańniam.
Ciapier čytajuć
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni13
Kamientary