Ekstremalnaj śpiakoty bolš nie čakajecca, ale druhaja dekada lipienia paćvierdzić svoj status samaha ciopłaha letniaha pieryjadu, skazaŭ sinoptyk Dźmitryj Rabaŭ na ANT.
Pavodle jaho słovaŭ, da siaredziny nastupnaha tydnia śpiakota pačnie spadać i dychać stanie lahčej. Pry hetym nadvorje budzie niaŭstojlivym.
U paniadziełak čakajucca navalnicy i daždžy. Uzrovień vilhotnaść budzie da 80%. U pieršy dzień tydnia tempieratura ad +25°S na paŭnočnym zachadzie da +34°S na paŭdniovym uschodzie. U aŭtorak raźbiežka čakajecca ad +25°S da +31°S.
«U siaredzinie tydnia nadvorjem pačnuć kiravać vilhotnyja pavietranyja masy i čarhovy atmaśfierny front. Čakajecca pieramiennaja vobłačnaść», — adznačaje Rabaŭ.
Vilhotnaść u sieradu budzie padać, a tempieratura čakajecca ad +19°S da +28°S.
U pačatku druhoj pałovy nastupnaha tydnia mieteaŭmovy budzie vyznačać antycykłon z Zachodniaj Jeŭropy. Pieramiennaja vobłačnaść, značnych daždžoŭ nie čakajecca. Vilhotnaść da 50%. Słabyja tumany pad ranicu. Viecier umierany. Unačy ad +14 da +19°C. Dniom u čaćvier +24…+28°C, u piatnicu — da +25°C.
Na nastupnyja vychadnyja nie abydziecca biez navalnic i daždžoŭ, vobłačnaść budzie pieramiennaj. Tuman — miescami. Viecier paŭdniovy i paŭdniova-zachodni, umierany. Vilhotnaść da 80 pracentaŭ.
Tempieratura pavietra nočču +13…+18°C, u siaredzinie dnia 20 lipienia — ad +24 da +30°C, 21 lipienia budzie krychu ciaplej — +26…+33°C.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia26
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski99
Kamientary