Premjer Słavakii ŭpieršyniu źviarnuŭsia da nacyi paśla zamachu na svajo žyćcio. Daruje strałku, ale nie apazicyi
Premjer-ministr Słavakii Robiert Fica ŭpieršyniu źviarnuŭsia ź videazvarotam da nacyi paśla zamachu na siabie 16 maja. Fica zajaviŭ, što kali ŭsio budzie dobra, to jon pavinien pastupova viarnucca da pracy ŭ kancy červienia — pačatku lipienia. Z vystupu taksama možna zrazumieć, što jon źbirajecca vykarystać napad dla zmahańnia z palityčnymi praciŭnikami.
«Pryjšoŭ čas zrabić pieršy krok, i heta prabačeńnie. Vidavočna, što złamyśnik byŭ tolki pasłańnikam zła, jakoje palityčna niepaśpiachovaja i rasčaravanaja apazicyja raźviazała da niekiravanych maštabaŭ.
Čakaju, što antyŭradavyja ŚMI, palityčnyja niaŭradavyja arhanizacyi, jakija finansujucca z-za miažy, i apazicyja ciapier pačnuć prymianšać značeńnie zamachu na mianie. Što heta byŭ prosta napad varjata, što pamiž im i apazicyjaj niama suviazi», — zajaviŭ Fica.
Samomu ž strałku jon choča «daravać» i «nie adčuvaje nijakaj nianaviści da čałavieka, jaki stralaŭ». Fica paabiacaŭ, što nie budzie padavać na hetaha čałavieka ŭ sud i patrabavać u jaho kampiensacyi.
Zamach na Robierta Fica adbyŭsia 16 maja ŭ horadzie Handłava paśla vyjaznoha pasiadžeńnia ŭrada. Kali premjer padyšoŭ da miascovych žycharoŭ, 71-hadovy mužčyna streliŭ u jaho niekalki razoŭ.
Pieršapačatkova ŭłady nie nazyvali imia padazravanaha, adnak miascovyja ŚMI na praciahu dnia vyśvietlili, što tym, chto stralaŭ, byŭ miascovy 71-hadovy litaratar i palityčny aktyvist Juraj Cintuła, jaki byŭ niezadavoleny palitykaj Fica.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary