U elitnym domie ŭ Minsku radyjatarami aciapleńnia pierakryli francuzskija vokny «ŭ padłohu»
Žyły kompleks «Utulny» maje siurpryzy.
Žyły kompleks «Utulny» budujuć niedaloka ad Ściapianki, piša Blizko.by.
U domie zastalisia kvatery koštam ad 207.000 rubloŭ (64 tysiačy dalaraŭ) za 1-pakajovuju da 608.000 rubloŭ (188 tysiač dalaraŭ) za 4-pakajovyja. Kvadratny mietr u ich abyjdziecca ŭ 3.800-4.600 rubloŭ (1.176-1.424 dalary).
Pradpryjemstva «Minskbud» vykłała śviežuju porcyju fatahrafij znutry i zvonku budynka. I akazałasia, što budučych žycharoŭ čakaje siurpryz.
Tak, pierad francuzskimi voknami «u padłohu» budaŭniki ŭstalavali radyjatary aciapleńnia, što, viadoma, krychu psuje karcinu i zručnaść karystańnia aknom.
Na abjekcie pracujuć bolš za 130 čałaviek i try viežavyja krany. Da kanca maja płanujuć zaviaršyć mantaž dachu i ŭstanoŭku akonnych błokaŭ. Kamiennyja pracy pa vonkavych ścienach taksama na finišy, z 20 maja śpiecyjalisty pačnuć azdableńnie fasadu.
Na 50% vykanany ŭnutranyja pieraharodki, čarnavyja elektratechničnyja i santechničnyja pracy (paralelna z razvodkami ŭ kvaterach staviacca elektrakatły i radyjatary).
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary